Carousell不嬲都係個臥虎藏龍嘅地方，唔少賣家都有好多好正嘅收藏同大家分享！今次就同大家介紹兩位用戶嘅收藏故事啦!
1. 中古遊戲收藏家
用戶@game_123 之前中學嘅時候成日同一班朋友仔喺屋企玩遊戲機，到咗投身社會做嘢之後都好想尋找番當年嘅回憶，所以就不停收藏中古遊戲喇！佢嘅收藏系列好豐富，有大量Play Station遊戲機同埋遊戲碟！
日版PS2 初回連特典，市面一件難求，好難得賣家割愛。
日版PSP都係機迷熱愛收藏嘅單品。
超音鼠相信係好多人嘅童年回憶，而家嘅細路唔會明PS2打機嘅懷舊喇！
遊戲齊全，價錢公道，以後買game唔洗用圍搵喇！
2. 迪士尼公仔愛好者
用戶@michelle2343 係個迪士尼忠實粉絲，特別中意Frozen，所以就成日夾公仔，儲埋儲埋就有大量迪士尼公仔，例如tsum tsum同gelaatoni。另外，Michelle由中學開始就收藏好多公仔膠紙，全部都好可愛好精美！
限量版迪士尼Shelliemay & Duffy徽章，儲開就會知幾罕有！
除左Elsa同Anna，Frozen嘅小白都好受歡迎㗎！文具控一定會鍾意！
Michelle有大量文具、公仔同埋扭蛋收藏，有好多仲係限量款式，而且比市面精品店更多元化！
