「斷捨離」真實體驗分享

christy

February 20, 2019

「斷捨離」即係斷絕同捨棄不必要同多餘嘅物件，然後反覆執行，秉承「斷捨離」精神。香港地少人多，狹小嘅空間再堆滿集物嘅話，好容易令人感到煩燥。但將唔等使嘅物件拋棄，係咪真係咁易？我哋經常會將情感投射喺物件上，「放手」可能比想像中更難！

Carousell 同Home Therapy 合作，為用戶提供專業「斷捨離」服務。早前，佢哋就幫我哋嘅用戶 Sin Mama 嘅屋企客廳進行大翻身！執屋前後差別分常大！

Before

After

Sin Mama 嘅屋企有大約800件玩具。當日Home Therapy 嘅Sharon 只係用咗三個半鐘就將所有玩具分類同收拾好！有興趣可以到Sin Mama 嘅Facebook 專頁睇吓佢嘅分享。

如果覺得收拾客廳太難，不妨由你嘅衣櫃開始，學習點樣執行「斷捨離」。Home Therapy 分享咗幾個tips，等你可以輕易打造迷你衣櫃 (Capsule Wardrobe)！

第一步：減去衣物

好多人以為收納嘅第一步係「收納」，其實「減物」先係正確步驟！根據日本收納達人近藤麻理惠《怦然心動的人生整理魔法》，將你全部衣服放出嚟，再遂一拎起，篩選出只會令你有「怦然心動」嘅衣物。Home Therapy 建議可以跟住以下幾點選擇留低嘅衣物：

我穿上去，會有自信嗎？
該衣物會否突顯自己的美態，例如有修身效果
該衣物適合「現在」自己的風格嗎？
衣物有沒有污漬、已變黃、有霉臭味汗味或脫了一粒衫鈕？

第二步：生活習慣及角色

先問自己：你是誰？到底你是一位OL (Office Lady)、家庭主婦、經常去健身室或出席晚宴嘅人？每個角色所需要的衣服種類及數量，同埋每星期洗衣服嘅次數都唔同。因此，留低嘅衣服最好可以襯出唔同配搭，應付到各種場合及風格。例如，純黑色或白色長褲，既可應付工作，亦可當smart casual去晚飯聚會等。

第三步：直立式摺疊衣服

由於香港居住環境較細，盡可能都將所有衣物摺疊。研究顯示，改變衣物嘅摺法能為衣櫃增加60％空間；改變衣物排列方式及收納空間可以節省50％！除了大褸、西裝及恤衫外，可以摺嘅衣服都摺好並放進櫃桶。除了可以節省收納空間，所有衣物亦變得一目了然，慳咗好多侍日搵衫嘅時間！

多功能衣物收納器