無論你係準備緊見新工、定係intern實習，今年好多面試都改採以 Zoom、Google Hangouts 或 Skype 進行，令唔少公司同求職者必須適應呢種 New Normal。

想要順利做Video interview，除了事前有充足準備，喺所有競爭者中突顯自己更加係好重要嘅一環。面試準備從何開始著手呢？建立自己同公司之間嘅連結，目的在於使自己喺對話、氣質、外型皆適合應徵該公司嘅文化同精神。

而係Video interview 嘅時候，為了令你展現出最好嘅一面，以及能夠自然表現出同面試官之間嘅連結性，選擇設備良好且網路順暢嘅面試環境係非常重要！

Video interview 事前準備

• Video interview個時著咩衫好？
• 需唔需要化妝呢？
• 用 Zoom / hangout 面試，我應該用手提電話定係電腦呢？
• 點樣利用室內光線令自己望落去精神啲？

Video interview 技巧

• 背景應該係點？
• 點樣係遠端面試期間突顯自己優勢？
• 有咩細節要留意？

Video interview 事前準備

Video interview個時著咩衫好？

根據 Linkedin 2015 年調查，95% 的僱主認為應徵者衣著外型係考慮是否錄取嘅原因之一。如果你即將面試四大會計事務所，西裝、襯衫、Formal dressing 絕對係面試時嘅選擇，Video interview都一定要著啱嘅outfit！假如你應徵嘅職位係start-up公司、或者同設計有關嘅職位，不失個人風格嘅 Smart-casual 就perfect！

注意：因為video interview時面試官只會見到你上半身，隔著螢幕亦較容易分心，所以衣著要盡量以乾淨清爽嘅顏色為主。過度花俏嘅顏色、飾品可能就無咁適合啦～

需唔需要化妝呢？

慶幸嘅係，隔著螢幕已經有少少遮瑕效果，面部瑕疵唔會好似真人咁明顯，但假如化妝可以令你自信啲，都可以化一個簡單嘅底妝，例如畫少少眼妝，令個樣更精神！你需要嘅係，基本遮瑕和打亮、精氣神嘅眼妝、好氣色嘅唇妝。

用 Zoom / hangout 面試，我應該用手提電話定係電腦呢？

用咩裝置都好，最緊要個鏡頭夠高清、Wifi訊號夠強！而家好多手機鏡頭像素都分分鐘好過電腦，所以用手機面試都未嘗不可，最重要係確保訊號穩定！無論用手機定電腦，開始面試前都一定要測試裝置嘅收音同鏡頭是否清晰及運作正常，需要耳筒時一定要趁早準備，最緊要試下自己講嘢個時聽唔聽到！畫面斷斷續續甚至充滿雜音嘅環境，都會大大減分架！

重要：面試前，記得將你個APP更新到最新版本呀！

點樣利用室內光線令自己望落去精神啲？

自然光係你視訊嘅好朋友！如果你面試嘅環境入面無自然光，或者面試時間係夜晚，架設良好光源就好重要（同時仲會令你望落去更精神！）。假如你有好似 Youtuber 咁大部LED 環形燈當然最好，不過一般人黎講，一個小小打光燈就好夠用啦！

遠距面試進行技巧

背景應該係點？

乾淨但有特色嘅背景。Zoom 推出了虛擬背景新功能，可以隱藏起面試者嘅居家背景，令畫面望落去乾淨整齊，不過假如你傾向以天然居家空間為背景，記住要避免雜亂物件同太陰暗背景，建議挑選有書櫃、植物甚至掛著海報、明信片牆作為背景都係唔錯嘅選擇，除咗可以突顯個人性格，面試官仲可以透過畫面背景月你搵話題！

點樣係遠端面試期間突顯自己優勢？

善用螢幕分享功能。無論你是工程師、UX/UI 設計師定係Marketing，適時切入螢幕同面試官分享你嘅作品、或者想法，展現你嘅長處同經驗，多啲互動，令面試官除咗問問題都會見到多啲你唔同嘅一面。由於video interview一切都係online進行，所以你唔只係要準備hard copy，仲要將所有素材放上網，甚至可先開好瀏覽器分頁，以便隨時可以解說，減少page loading嘅時間！

有咩細節要留意？

準備好嘅headphones，提高收音品質，令你同面試官都有良好嘅溝通基礎（同時避免一直要講「唔好意思，岩岩聽唔到」嘅窘境）。

準時開啟視訊面試連結。由於網路連線可能需要時間（取決網路順暢程度），記得提早測試網路與視訊連結，唔好要面試官等你呀！

準備面試嘅時候可以試下全程用視訊狀態練習（戴著耳筒講嘢，練習表情、測試裝置狀態），甚至透過鏡頭錄影睇下自己表現如何，睇下穿搭、光線、背景有無問題，確保正式上場時唔會手忙腳亂。

另外還有很重要嘅小提醒！視訊面試時，眼神請盡可能望住鏡頭，令面試官同你有眼神交流。你要避免望著螢幕中嘅自己或者notes小抄（望notes 係特別明顯㗎！）

以上Video interview嘅小技巧，希望可以幫助你更順利搵到好工！Good Luck 🙂