好多香港人都選擇以買二手樓作為上車方法，但其實比起新樓，購入二手樓後嘅裝修同搬運有更多細節需要留意架！等Carousell提醒你四個關於搬屋裝修嘅貼士啦！
1. 買二手樓有咩要注意？
- 裝修
一般超過十年樓齡嘅住宅，裝修時有機會要換哂全屋嘅電線、喉管、廁所及廚房等設備，所以記得預留多啲裝修費。
2.保險
唔少人都有購買家居保險，保費嘅計法除咗面積之外，仲會考慮樓齡、住宅種類、地點等。如果超過25年樓齡又或者係村屋，保險公司可能會收取更高保費。
3.搬運費
如果你嘅住宅係唐樓或冇電梯，一般搬屋公司都要額外收費，層數越高，收費亦都越高。另外如果樓下有影響搬運路線嘅情況，例如泊唔到車、有斜坡等，搬屋公司都會額外收費。所以記得報價時詳細列出，減少誤會。
- 識別凶宅
遇上價錢不合理地低嘅樓盤，謹記一定要查清楚係咪凶宅，否則買咗都住得唔安落！
2. 搵搬運公司前要準備咩？
使用搬運服務前應點算清楚物件數量，然後將照片、新舊屋地址、屋苑搬運情況等資料Whatsapp比搬運公司。高永搬屋會出一個報價比你，有需要亦可要求上門報價，費用全免。然後，公司就會按照要求上門送紙箱，等你可以預先將雜物入箱。等到搬屋正日，師傅就會用專業技術幫你搬走所有嘢，等你安心入伙！
3. 古董同收藏品點搬運？
如果你有古董要搬運，記得報價前要及早講清楚！高永搬屋有提供訂製木箱服務，為古董提供堅固嘅外殼保護，等佢可以安全無損地由舊屋搬到新居。如果古董需要其他特別保護措拖，可以提額外提出要求。提醒一吓搬運貴重物品最好預先購買保險。
4. 入伙點擇日？
對好多人嚟講，搬入新屋第一件事除咗要清潔外，拜四角都係其中一件必做嘅事。如果係新樓就最好喺裝修工程前進行，可以喺通勝搵個吉日嚟做，例如「成日」、「定日」同「滿日」，記得要避開「歲破」、「月破」、「四離」及「四絕」等日子拜祭。如果租屋嘅話，就可以入伙前拜一拜。至於拜四角嘅方法，網上都有好多唔同教學，大致上都係要準備五份祭品，每份祭品要有生果一個、有殼花生一堆、糖果五粒、肥豬肉一小件等。如果唔清楚程序嘅話，可以喺買元寶蠟燭時問吓香燭店老闆。
