Carousell與你投奔初夏

上個星期天陰陰想落雨又焗又熱，反而今個星期陽光普照，仲唔把握機會去海灘享受下夏天嘅滋味? 今次我哋就同大家細數香港五個最靚嘅海灘，等大家可以「提早暑假，投奔初夏」啦!

龜背灣

去海灘都係想放鬆下，享受下自己的時光，想搵一個少遊客又自成一角的地方? 畀樹林包圍著嘅龜背灣就啱晒你。上去龜背灣好容易，只要係西灣河轉乘14號巴士，係龜背灣站落就會到達。不過如果唔想太曬記得帶把遮，同埋要自己帶飲品食物，因為龜背灣唔似其他大嘅海灘，係冇士多㗎!

去沙灘有點可以冇冰凍嘅啤酒，但係山長水遠入去咩都熱晒啦，所以即刻上carousell買返個冷藏箱啦!

舂坎角

除咗龜背灣，另一個比較靜嘅海灘就係舂坎角，因為好多人特別係遊客去到赤柱，都會直奔赤柱正灘，但係其實再入少少，就係舂坎角啦! 舂坎角無論水定係沙嘅質素都比赤柱正灘好，而且仲有燒烤場，啱曬一大班朋友一齊去! 由中環交易廣場搭6X，63或者66都可以去到。

去得沙灘有點可以唔展示下自己嘅summer body，仲未有一套靚嘅泳衣? 即刻上Carousell搵下有冇啱心水啦!

聖士提反灣

聖士提反灣係小編最愛的沙灘。小編幾次去赤柱，都發現當大家都係正灘迫嘅時候，聖士提反灣其實非常少人。同舂坎角一樣都係有燒烤場，而且係沙灘嘅入口已經有士多，要買啲咩都唔使行返出赤柱咁遠。同埋聖士提反灣嘅日落可以算係香港數一數二，每次都要等到睇完日落先捨得走。

好多人去沙灘都忘記咗一樣好重要嘅嘢，就係防水袋。無人想攞起部黐滿沙嘅電話，當然濕咗水就更大鑊啦。而且玩完將泳衣放入防水袋，就唔驚整濕背囊入面其他嘢啦!

蘆鬚城

講咗咁多香港島嘅海灘，係時候去下離島啦。南丫島最出名就當然係洪聖灣，但係其實南丫島仲有一個海灘比洪聖灣更大，但係比較少人，就係蘆鬚城泳灘。蘆鬚城設施完善，有救生員、淋浴間同士多，而且比起洪聖灣，蘆鬚城的海景一望無際，唔會見到大煞風景嘅南丫發電廠。

如果你係一家大細去玩，小朋友梗係唔會坐係到睇書曬太陽，準備定一啲沙灘玩具比佢哋，你就可以安心享受休閒嘅時光啦。

半月灣

講到沙灘有點可以唔講西貢呢? 但係西貢有咁多個靚嘅沙灘，點揀呀? 而且好多內地旅行團依家都選擇在西貢嘅海灘露營，想遠離繁囂越來越難，好彩半月灣依然未被人染指，環境保護署嘅水質檢測當中，半月灣係少數獲得良好級別嘅海灘，因為半月灣係無陸路前往，需要係西貢碼頭乘搭街渡，所以當地嘅環境依然非常理想。

想去海灘但係唔識游水? 唔怕，買返個靚靚水泡就得啦，又唔會比人笑，仲隨時惹來艷羨嘅目光添!