近排天氣開始轉熱，日日都成三十幾度，加上天氣潮濕都真係幾難頂！香港人平時愛飲茶記凍飲，其實呢類飲品糖份高熱量高，成日飲對身體冇益架！但係烈日當頭暑難耐，到底有冇咩飲品係消暑得黎又健康？ 不如試下轉飲歐美好流行既沙冰！可能大家都對沙冰唔陌生，但係街外一杯沙冰賣成幾十蚊，仲有大量冰塊同糖，好似同健康扯唔上關係？其實自製沙冰真係話咁易，只要有個攪拌機係屋企坐鎮，就可以隨自己喜好mix and match各種口味！今次就同大家介紹五款沙冰食譜，大家都可以試下整出好味、健康、消暑既夏日飲品！

Mixed Berries Smoothie 雜莓營養沙冰

朝頭早趕住出門口，又唔想食太油膩難消化既早餐？呢款雜莓營養沙冰幫到你！

Ingredients 材料包括：
Mixed Berries 雜莓：約300g
Avocado 牛油果：1/3 or 1/2 of 1
Almond Milk 杏仁奶：150ml
Oats 燕麥：30g
Honey 蜜糖：1tsp

莓類水果唔只顏色靚，仲好處多多添，例如藍莓含有豐富既維他命，仲可以抗氧化同防癌！雜莓本身有天然糖份，落少少滋潤既蜜糖就夠甜架喇！牛油果亦係近年果界新寵，事關佢口感creamy、飽肚，而且含有大量維他命E同不飽和脂肪酸，有助抗氧化同降低膽固醇水平，完全可以取代平時街外沙冰落既雪糕！

Chocolate Mocha Smoothie 朱古力咖啡沙冰

成日飲咖啡對身體唔好就係人都知，但係想戒又戒唔甩，朝早冇咖啡因又唔夠醒神？不如循序漸進試下呢款朱古力咖啡沙冰？飲落去十足frappuccino，但健康好多架！加少少燕麥不單飽肚啲，仲好有咬口！

Ingredients 材料包括：
Dark Chocolate 黑朱古力：4pcs
Banana 香蕉：1 
Greek Yoghurt 希臘乳酪：60g
Cold Coffee 凍咖啡：60ml
Oats 燕麥：30g
Honey 蜜糖：1tsp

冇時間係屋企慢慢飲？去Carousell揀番個可以外出便携既攪拌機啦！Size岩岩好係一人份，最適合朝早邊行邊飲，快靚正！

Tropical Smoothie菠蘿香蕉沙冰

要數夏天最有代表性既生果，又點少得菠蘿呢！以下呢款菠蘿香蕉沙冰絕對係開胃清新既選擇，無論係早餐定普通飲品都好適合！

Ingredients 材料包括：
Greek Yoghurt 希臘乳酪：80g
Pineapple 菠蘿：120g
Banana 香蕉：1
Spinach 菠菜：適量 (Optional)

希臘乳酪口感濃稠厚實，糖份較低，蛋白質則較高，係各款乳酪之中最健康又最適合整沙冰既！菠蘿含有豐富水溶性纖維、蛋白酶，可以促進腸道蠕動同改善消化不良，夏天食滯左飲番杯就最岩！至於菠菜，平時少食蔬果既朋友可能試下用呢個方法加入沙冰進食，菠菜既味會被菠蘿覆蓋，無意中就可以吸收更多鐵質！

想杯沙冰香濃軟滑？攪拌機一定要夠力！Carousell有大量家居攪拌機選購，去揀番個看門口啦！

Green Smoothie 綠色沙冰

中意綠色蔬果既你一定唔可以錯過呢款綠色沙冰！抗氧化既青瓜加上排毒養顏既青蘋果，夠哂清爽！

Ingredients 材料包括：
Cucumber 青瓜：半條 Half
Granny Smith Apple 青蘋果：半個 Half
Avocado 牛油果：1/3 or 1/2 of 1
Honey 蜜糖：1tsp

整沙冰又要切野又要刨皮好麻煩？陶瓷刀具輕薄銳利，清洗容易，仲可以防止食物氧化添！

Mango Carrot Smoothie 芒果紅蘿蔔沙冰

成日對住部手機電腦咁傷眼，捱夜又易攰易病，不如試下呢款芒果紅蘿蔔沙冰？

Ingredients 材料包括：
Red Carrot 紅蘿蔔：3
Mango 芒果：1
Orange 橙：1個
Fresh Orange Juice 鮮橙汁：60ml

紅蘿蔔含有大量維他命A，有養肝明目既功效，仲有助排毒抗衰老！芒果同樣係代表夏天既熱帶果王，佢同橙都含有豐富維他命C，可增強免疫力。芒果而家開始當造，一定夠哂甜！

想每日都食得健康？咁就要由揀煮食廚具開始啦！大家都快手買個攪拌機，落手整下呢五款沙冰啦！