蘋果產品每次出爐都係城中熱話，你又有冇留意今年有咩好買？不過，蘋果啲嘢愈出愈貴，其實都唔係人人都負擔得起！如果唔係特別追求新款，有好多舊款減價後都好值得入手！今次就大家講下邊款蘋果產品最抵玩啦！
iPhone X
年初iPhone X出爐，人人都趨之若騖，但係大拿拿話成萬蚊喎，想入手都真係要諗過度過。不過而家就唔同啦！只係過咗10個月左右，市面上已經有好多二手機喇，而家入手真係個唔錯嘅時機。好簡單去Carousell睇睇，只係$7000到已經買到近乎全新嘅265 GB iPhone X，都真係幾吸引！
iPhone 7 Plus
如果唔追求iPhone X 嘅新功能，又或者鍾情舊設計嘅話，而家iPhone 7 Plus嘅官方售價已經跌到$5788起，不過就只有32G未必夠用。相反，喺Carousell只要$4000到就買到接近全新嘅128GB 7 Plus，化算好多。如果自己部電話仲係好靚仔，亦可以考慮同人trade機，咁就一蚊都唔洗俾就可以換款，慳水慳力。
iPad
蘋果早排出咗部平價版iPad，主打學生哥市場，9.7吋屏幕尚算不錯，亦有得配合Apple Pencil使用，官方售價都只係$2588起，平時用嚟上網搵資料，或者拎上飛機煲劇都唔錯，真係十分吸引。小編屋企部iPad已經係4,5年前買，都積極考慮緊upgrade去呢部！不過如果你係玩開設計要多啲功能，可能都係iPad Pro比較適合喇，上網有人放部全新iPad Pro都只係$3700，比官方價平足$1300。
Apple Watch
由Apple帶起嘅智能手錶熱潮令好多人都一用就番唔到轉頭，設計又時尚又多款，加上價錢同傳統手錶差唔多，但係又多好多功能，令Apple Watch喺市場好有競爭力。如果未用過智能手錶唔知自己慣唔慣，不妨買隻二手嚟玩下，最平$600就可以入手，絕對試得過。除左買錶之外，如果你有隻Apple Watch喺屋企唔常戴，不如考慮上網出售，賣個好價錢，好過愈擺愈舊，再遲啲就冇人肯要架喇！
MacBook
查實小編本人都係果粉一名，而家正正就係用緊MacBook打呢篇文，部電腦足足用咗5年，依然都操作順暢，所以買MacBook真係絕對唔會後悔！不過萬幾蚊買部全新手提電腦都唔係平，如果你只係想要部電腦做基本文書處理，又或者用嚟平時煲劇，咁就無謂買部功能超強嘅新機，買二手其實更抵玩，反正MacBook好耐用，唔洗怕易壞。上Carousell一睇，唔同年份、顏色同埋尺寸都任揀，價錢由$2000幾蚊至$6000左右，視乎你嘅需要同喜好，俾自己更多選擇空間！
Option1: MacBook Air 13” 2015 128 GB for sale
Option2: MacBook 12″ 2016 256GB
Option3: MacBook 12″ 2017
其實而家嘅電子產品年年改良小小就出新款，追新款又邊會追得切！想做個精明消費，記住多啲留意二手買賣平台，無論係全新定係二手產品都有好多選擇，好多時都會買到平靚正嘅小玩意。如果你屋企有唔常用嘅蘋果產品，襯佢仲保值就快啲賣出去折現啦！上Carousell拍照即賣，輕輕鬆鬆就有錢搵！
