高鐵香港站早前正式通車，唔知大家又有冇打算體驗下呢？國內好多城市近年急速起飛，多咗唔少好去處。平時香港人放假就最中意去café 坐，可惜香港嘅café地方淺窄又多人，特別係Starbucks，莫講話chill下，好多時都連位都搵唔到！今次就同大家介紹下幾個國內一線城市嘅豪華Starbucks Reserve，等大家北上時可以去體驗與別不同嘅星巴克！
1. 星巴克臻選上海烘培工坊 Starbucks Reserve Roastery Shanghai
呢間星巴克臻選上海烘培工坊喺2017年開幕，選址上海時尚新區興業太古匯，樓高兩層，係Starbucks亞洲第一間體驗門市，仲大過西雅圖旗艦店呀。話明係臻選店，當然就唔只係匆匆忙忙去買杯咖啡啦。店內有星巴克員工或者AR科技向顧客解說，從烘焙咖啡豆直至現場手沖過程都可以一一參與。 加上店面裝修別具氣派，就算唔飲咖啡都絕對可以去留影一張！
地址：上海市南京西路789號
前往方法：乘搭上海地鐵2/12/13號線往南京西路站
上海Starbucks Reserve貴為中國首間臻選店，連紀念杯具都寧舍型格，而家上Carousell都買得到！
2. 廣州中山三路Starbucks
廣州足足有11間Starbucks Reserve，而其中一間就坐落於中山三路，建築採用西式洋樓風格，別具文藝氣息。店舖分為四層，除咗可以嘆咖啡之外，仲有得參觀藝術畫廊，亦有地方同朋友聚會，大家可以悠閒咁度過假日下午。呢度仲舉辦過全中國第一個星巴克藝術展覽，成為咗唔少文青嘅聚腳點！
地址：廣州市中山三路2號
前往方法：乘搭地鐵1號線往烈士陵園站C出口
3. 北京Starbucks Reserve
呢間新開張冇幾耐嘅北京Starbucks Reserve ，打住全球最大嘅名號，面積1040平方米，樓高3層，超越埋上海店𠻹呀。除咗咖啡之外，呢間Starbucks仲入鄉隨俗，提供埋茶飲系列TEAVANA，更加有茶版「雞尾酒」、泡沫茶，同埋酒類飲品，務求照顧所有人嘅口味。
地址：北京市西城區煤市街廊房頭條13號院3號樓
Starbucks同樣亦推出咗北京專屬City Mug，聽講已經絕版，如果之前去過miss咗冇買，都可以去Carousell睇下架！
4. 西安Starbucks Reserve
西安呢間Starbucks Reserve被譽為「中國十大高顏質星巴克」之一，皆因佢嘅設計古典得黎不失型格。呢間鐘樓店係由西安建築科技大學院長劉克成所設計，採用尖形對稱嘅木頭材質，有未來感得黎又美妙咁融入周邊嘅傳統建築。下次去開西安唔單只淨係去參觀兵馬俑、華清池、大雁塔、小雁塔呢啲傳統景點，行攰咗絕對可以去Starbucks坐一坐！
西安嘅兵馬俑舉世聞名，係當地最重要嘅景點，所以Starbucks除咗裝修風格別具古城特色之外，仲配合主題推出咗「秦始皇」杯具。
地址：陝西省西安市西大街1號(鐘鼓樓廣場)
各位Starbucks fans，仲唔快啲mark低日子北上，去盡所有Starbucks打卡？如果想搵個伴去玩，又或者交流下旅行心得，分享下Starbucks紀念杯嘅收藏，得閒可以去Carousell嘅Starbucks群組同「旅遊達人」群組吹水，任何有關嘅主題都無任歡迎！一齊上群組擴闊社交圈子啦！
