香港人 做義工!

0
1034

香港人出名工作壓力大,好多人都渴望放假可以休息放鬆下,其實想放鬆唔一定淨係得煲劇同行街揀架,大家有冇過做義工減壓呢?可能你會諗,番工仲做唔夠咩,仲做義工,又冇錢收,點減壓呀?其實正正就係因為做義工冇酬勞,大家嘅由心付出會帶大滿足感。一齊睇下香港邊到需要義工啦!

 

如果你想做義工之餘同時感受無限愛意,放狗義工活動就絕對啱哂你喇。同狗狗散步唔單止可以做運動,又可以同可愛嘅小動物親身交流,體會動物嘅靈性,絕對會將壓力同煩惱帶走。

 

早排,史上最強颱風山竹吹襲香港,相信大家都知道風災對我哋嘅社區做成幾大影響。與其等待政府慢慢收拾殘局,不如自發清理社區啦。就好似將軍澳嘅居民咁,佢哋同心協力喺風災後將海濱公園嘅障礙物清走,完美展現社區共融同埋互助,而且亦大大減輕咗清潔員嘅工作量。事隔幾個星期,大家唔好以為我哋嘅社區已經回復原來面貌,其實有好多熱心人士依然持續自發清理社區,仲開設咗個山竹颱風義工招募群組,希望各界響應參與,大家一齊身體力行,守護家園!

 

唔想咁被動等有事先嚟做義工?又或者想自己試下做搞手,動員一班人做義工?一齊加入Carousell嘅旋轉義工團啦!我哋十分歡迎熱心人士成為群組嘅管理員,負責每月舉辦義工活動,為香港社會注入正能量,宣揚愛心!如果你見到有任何地方或者組織需要義工幫忙,不妨亦去旋轉義工團號召義工,集結眾人力量!

 

颱風摧毀咗香港大量樹木,小編見到屋企樓下嘅老樹倒冧都覺得非常心痛。如果你都想我哋嘅下一代有個綠化嘅環境長大,不妨假日去參加植樹活動,喺全港各區舉行種植活動。樹木為我哋遮陰,釋放新鮮氧氣,每種一棵樹就為環境帶來多一份祝福!

植物除咗淨化空氣,仲好賞心悅目𠻹。如果你對植物情有獨鍾,想同一班網友交流種植同埋園藝心得,歡迎各位加入Carousell嘅Plants & Greens群組,分享下點樣可以令植物茁壯成長,花開燦爛!

加入群組後有任何有關種植嘅問題,都可以向Admin @17wuet1 詢問!

 

 

SHARE
Previous article旅行執行李攻略
Next article2018新iPhone大比拼!
Avatar
Love to scrap when inspiration come. Always be crazy over cute little things.

LEAVE A REPLY

Please enter your comment!
Please enter your name here