好快就係農曆新年喇！又係盡情食嘢過肥年嘅時候！與其同人爭買酒店賀年食品，不如今年試下同屋企人親手造賀年糕點，又好玩又足料，用嚟送禮仲夠哂心思！
1. 蘿蔔糕
小編以前試過喺外國讀書，冇得番香港過年，真係寧舍思鄉，所以就同朋友去亞洲超市買材料整蘿蔔糕，結果非常成功，仲好食過平時喺香港買嘅！
傳統家鄉蘿蔔糕嘅特色係將部份蘿蔔切粗條，其餘配料就切細粒，比坊間嘅蘿蔔糕食落更加層次豐富，加埋臘腸蝦米，夠唒香口！連我人在異鄉都做到，就知幾容易啦！
材料：（5-6人份）
-
蘿蔔 6斤(刨絲)
-
粘米粉 540g
-
鷹粟粉 半飯碗
-
臘肉 半條(切小粒)
-
臘腸 4條 (切小粒)
-
蝦米 1碗 (切小粒)
-
瑤柱絲 1碗
-
蔥花 少許
-
芝麻 少許
-
五香粉 1湯匙
-
糊椒粉 適量
-
鹽 適量
-
冰糖 3小粒
-
薑汁酒 2湯匙
做法：
- 將所有臘肉、臘腸、蝦粉先蒸熟，攤凍後切小粒。
- 將蘿蔔去皮，1/3蘿蔔切粗條，其餘蘿蔔刨絲(刨出來嘅水唔好倒！)。
- 將所有材料切成小粒，放鑊爆香。
- 加入蘿蔔絲同臘肉炒軟，之後落調味料攪勻。
- 將粘米粉同鷹粟粉攪勻後，同煮好嘅蘿蔔水攪勻成槳糊狀。
- 將蘿蔔絲加入粉槳，然後徹底攪勻。
- 將蘿蔔粉槳倒入盆，喺糕面放些少臘肉。
- 將糕放入滾水蒸大約50分鐘，用牙籤拮入糕中，冇粉槳痴住嘅話就叫熟，之後灑上芝麻同蔥花即成。
煎糕最忌就係癡底！正所謂工欲善其事，必先利其器，煎嘢當然要買個靚平底鑊啦！
Fry Pan Tefal 法國 特福 28cm 不沾平底鑊
2. 五香芋頭糕
芋頭糕都係好受歡迎嘅賀年糕點，加咗五香之後又惹味又香濃！
材料：（5-6人份）
- 芋頭 600克
- 粘米粉 180克
- 水 3杯（750毫升）
- 菜油 3湯匙
- 蔥粒 酌量
- 臘腸 2條
- 冬菇 4至5隻
- 蝦米 10克
- 雞粉 2茶匙
- 五香粉 ¾茶匙
- 鹽 1茶匙
- 糖 1茶匙
- 胡椒粉 酌量
- 麻油 少許
做法：
- 冬菇洗凈浸軟，切粒。臘腸拖水切粒。蝦米切粗粒。燒熱油鑊，爆香臘腸，冬菇及蝦米，待用。
- 將雞粉、五香粉、鹽、糖同胡椒粉放入1杯水攪勻，倒入粘米粉，徹底攪勻，加少少麻油。待用。
- 芋頭切粒。用少少油爆香芋頭3至4分鐘，之後倒入2杯滾水，要蓋過芋頭，煮10分鐘後見到淨低少少水就可以離火。
- 加入炒香嘅配料攪勻，倒進粘米粉漿，攪勻成一團很濃稠嘅半生熟粉團。
- 粉團倒入塗咗油嘅8吋糕盤，用膠刮掃平表面，大火隔水蒸60分鐘。用筷子插入中央，如果冇粉漿黏住即係熟透。灑啲蔥粒就食得！如果冷藏，食之前煎香兩面，點辣椒醬或者XO 醬都好好味！
想蒸糕快啲慳水慳煤氣啲，建議大家用電蒸爐！可以一次過蒸幾底糕，快靚正！
雙層電蒸籠
3. 紅豆糕
除咗香口嘅咸點，紅豆糕都係好好意頭嘅糕點甜品，男女老幼都實中意！
材料: (2-3人份)
- 紅豆 1量杯（約227 克）
- 糖 1量杯
- 粘米粉 ½ 量杯
- 澄麵粉 ¼ 量杯
- 粟粉 ¼ 量杯
- 油 ¼ 量杯
- 凍水 3量杯 （煮紅豆用）
- 凍水 1量杯（開粉漿用）
做法:
- 用3杯水將紅豆煮至軟身。（可以先將紅豆用水浸泡一個鐘，咁會比較容易軟身。）
- 用1杯凍水將粘米粉、澄麵粉、粟粉、糖和油攪勻，加入煮好嘅紅豆。
- 用中火煮粉漿至滾，一邊煮要一邊不停攪拌。
- 將煮好嘅粉漿盛入糕盆，大火隔水蒸一小時後待涼，放入雪櫃冷卻後即成。
整糕最緊要係攪粉漿攪得夠勻，然後要一絲不苟咁刮哂啲粉漿落蒸盤，膠刮係唔少得嘅幫手！
蛋糕/甜品橡胶刮刀
4. 桂花馬蹄糕
桂花馬蹄糕既清香又唔算好甜，新年整番盤一定深得長輩喜愛！
材料：（2人份）
-
馬蹄 10粒
-
白砂糖 50g
-
馬蹄粉 100g
- 桂花 10g
- 桂花糖 50g
-
油 少許
-
生粉 2茶匙
-
水 600ml
做法：
1. 馬蹄去皮沖洗乾淨同瀝乾，然後將馬蹄拍碎
2. 馬蹄粉同生粉放入大碗，加入300ml水攪勻
3. 用隔篩去多餘粉粒，加2湯匙油拌勻，備用
4. 白砂糖、桂花糖放入煲內，加入300ml水用慢火煮至融化
5. 加入馬蹄、馬蹄粒混合物、桂花，繼續用慢火煮，快手攪勻至幼滑糊狀
6. 糕盤掃上少少油，倒入麵糊，用刮刀抨平
7. 放入電蒸鍋蒸35分鐘
8. 取出後待涼，放入雪櫃過夜，第二日可以煎香食用
不妨加入Carousell 甜品迷 群組 同我哋分享你嘅私心食譜！大家整完記得放上Carousell同我哋開心Share！
一齊同屋企人整底糕啦！祝大家團團圓圓過肥年！