聖誕之旅好去處

0
1282

又到聖誕,又係港人出動去旅行嘅時候喇!講起冬天去旅行,大家會諗起做啲咩呢?浸溫泉?滑雪?行聖誕市集?今次同大家分享下幾個冬天旅遊熱點,同埋有咩特別行李需要準備啦!

1. 日本札幌

香港人愛日本嘅程度當然係無容置疑,而北海道就幾時都係港人冬日最愛嘅旅行勝地。北海道嘅冬日魅力非常吸引,除咗可以滑雪、睇雪雕、浸溫泉、日式火鍋同雪場蟹,冬天嘅札幌仲有好多應節活動。其中札幌白色燈樹節始於1981年,係日本最早嘅燈樹節。大家一經過街道就會見到52萬隻燈球裝飾懸掛,令札幌亮麗繽紛。觀賞燈樹嘅同時,大家仲可以順便去在大通公園2丁目舉行嘅札幌慕尼黑聖誕節集市,聖誕氣氛更加濃烈,所以係好多情侶嘅熱門約會地點。如果大家要會滑雪嘅話,記得要帶防風羽絨同埋雪褲。

防風羽絨:photo

photo雪褲:

photo

photo

 

2. 冰島

冰島近年火速冒起,成為港人熱門嘅冬季旅遊國家。冰島自然風光明媚,山水景色壯麗,廣闊嘅美景絕對係香港難得一見。冰島有唔少自然奇觀,當中最首屈一指嘅就係藍冰洞喇。藍冰洞係純天然形成,夏季時冰川融水流過冰川底部,日積月累雕琢出形狀不定嘅冰洞。呢個冰川係經過千年歷史自然構造,冰塊中嘅空氣、雜質通通都被壓出冰體,所以冰體無雜質,光線穿過時唔會被肆意折射,冰體就會更加透明,呈現出夢幻的藍色。

去到冰島,相信一定唔少得追北極光,唔講唔知,原來冰島全個國家都位於極光觀測帶,而且有暖流滋養,比起芬蘭、挪威同埋瑞典呢啲北歐國家更易睇到極光,仲唔洗特登走去高緯起區捱凍𠻹!不過始終都係去有冰雪嘅地方,皮膚掂到水會特別凍,所以記住要帶備防水手套同防水鞋!

防水手套:

photo

photo

防水鞋:

photo

photo

 

3. 歐洲

歐洲嘅聖誕市集年年都會吸引人冒名而來,其中最受歡迎嘅國家就係法國、德國同埋捷克。
法國嘅史特拉斯堡聖誕市集係全歐洲最大,有成400幾年歷史,市集同市內古色古香的木屋融為一體,好有中世紀味道。教堂旁邊聖誕樹高達30米,仲有小朋友最愛嘅溜冰場,天氣咁凍仲可以飲熱紅酒暖身𠻹!
另外,德國紐倫堡聖誕市集由16世紀已經開始舉辦,市集充滿古典味道,大家可以品嚐傳統德國南部地道美食,例如燒豬肩肉、烤杏仁同埋薑餅,仲有旋轉木馬、摩天輪和蒸汽火車等機動遊戲玩!東歐嘅捷克布拉格喺舊城廣場舉行,望住閃亮嘅天文塔真係零舍浪漫。作為歐洲藝術之都,市集當然唔少得各式各樣嘅藝術表演,有舞蹈、聖詩獻唱等精彩節目。布拉格聖誕市集嘅開放時間係全歐洲最長,就算錯過咗聖誕節,都可以趕上元旦倒數活動同埋煙花表演!歐洲天氣寒冷,想著得又靚又暖就記得要帶冷帽同保暖底衫喇!

冷帽:

photo

photo

photo

唔去旅行,留喺香港一樣有好多嘢玩!香港人最鐘意就係shopping,12月21日前喺Carousell 刊登兩件服飾或者電子產品,就有機會免費獲得「香港冬季購物節」嘅門票,由即日起去到12月25日都可以換領門票,得獎者需自行到銅鑼灣換領中心兌換,每人最多可以換取四張。詳情可以瀏覽https://hk.carousell.com/p/204747991/

 

 

 

LEAVE A REPLY

Please enter your comment!
Please enter your name here