中秋係人月兩團圓嘅大日子,同一班親朋好友共度佳節,其中一個重頭戲就係食甜品!想中秋甜上加甜,最好嘅表示就係親手做甜品!以下同大家介紹所幾款精選中秋甜品嘅食譜,又有得玩又有得食,夠哂應節!
1. 湯圓
話明係人月兩團圓,有咩可能唔食湯圓呢?平時啲急凍湯圓好多時都太甜,而且又可能會煮到爆餡,自己整就一定又新鮮又少甜啦!大家仲可以因應口味整花生餡𠻹。
材料:(可做8-18粒)
糯米粉 110 克
水 100克
黑芝麻 25克
白糖 25克
牛油 1.5湯匙
糖水材料:
水 2 1/2杯
片糖 40克(因應個人口味增減)
薑 3-4片
做法:
- 將黑芝麻放入乾淨、無油嘅白鑊,用中火炒至聞到香味。
- 黑芝麻稍微放涼,然後用攪拌器打至幼碎,再慢慢加入白糖、牛油,打至軟滑,之後放入雪櫃冷卻。
- 糯米粉加水拌勻,搓至表面唔黏手,然後分成小粉團。手掌稍為壓扁小粉團,用筷子挑一小團黑芝麻餡包入粉團備用。
- 放片糖同薑片入滾水,放入包好嘅芝麻湯圓, 浮起即成。
湯圓餡最緊要就係幼滑,所以屋企一定要有個攪拌器坐鎮!
2. 綠茶紅豆冰皮月餅
冰皮月餅口味多元化,而綠茶嘅甘香就正好中和紅豆嘅甜膩,可謂係天作之合。
綠茶冰皮 (8個份量)
冰皮粉 100克
綠茶粉 1至2克
牛奶 140克
綠茶紅豆餡料
綠豆餡 184克
緣茶粉 1至2克
豆沙餡 56克
冰皮面防黏材料
鷹栗粉 適量
工具
50克月餅模 1個
做法:
- 冰皮粉同綠茶粉混合,慢慢加入牛奶攪拌成糊狀。
- 糕盆塗上些少菜油,倒入糊漿,蓋上一張錫紙,用大火蒸35分鐘。
- 蒸好糕糊待涼,分成 20克 1個,搓成軟滑適中嘅粉糰。
- 綠豆餡分成 30克 1個,搓圓備用。
- 用麵粉桿桿出比綠豆餡稍大嘅外皮。
- 加入綠豆餡,收口後用保鮮紙包好定型。
- 定型好嘅月餅均勻滾上適量鷹栗粉。
- 將月餅壓成月餅模較小的形狀,收口朝外放入月餅模,用力壓成形,脫模冷藏即成。
3. 蓮蓉月餅
屋企人食唔慣新口味,中意食傳統月餅?其實都唔難整架!
材料: (可做12 個)
中筋麵粉 100克
轉化糖漿 60克
梘水 ½ 茶匙
菜油 28克
餡料:
蓮蓉 420克
鹹蛋黃 6個
玫瑰露酒 1湯匙
塗餅面材料:
蛋黃 1 個
蛋白 2 湯匙
做法:
- 將糖漿、梘水和菜油拌勻,然後篩入麵粉,用膠刮輕輕拌勻。用保鮮紙蓋住麵團,靜置 40分鐘。
- 鹹蛋黃用玫瑰露酒拌勻, 用廚房紙抹乾,之後每個鹹蛋黃切開一半備用。蓮蓉搓成長條形,分割成 12等份,滾圓待用。
- 預熱焗爐至 180C ,將蛋黃同蛋白混和,過篩備用。
- 麵團分割成 12等份,滾圓。小麵團用保鮮紙隔住壓成圓餅。
- 手指喺蓮蓉球中心開窿,將半個鹹蛋黃包喺蓮蓉裏面,滾圓後放喺小麵團餅皮中央,慢慢包起嚟。
- 放入月餅模,輕輕將壓出月餅。
- 月餅放入已預熱的焗爐中,焗約 10至 12分鐘。完成前 5分鐘,拎出月餅掃上蛋汁,放回焗爐至金黃色為止即成。
整月餅又點少得月餅模呢?無論係傳統款式定係可愛造型,Carosuell應有盡有。
[中秋好去處] Carousell X 歐陸中秋嘉年華
中秋節除咗食月餅玩燈籠之外,其實仲可以有啲新意架!今個中秋節Carousell 為你帶黎充滿歐陸風格嘅中秋嘉年華! 到時大家可以一邊享用歐洲美食、嘆住德國小麥啤酒,一邊賞月,仲有適合一家大細去嘅Kid Zone、品味市集、綜藝表演同埋藝術工作坊!
9月22-25日,晏晝3-10pm,喺觀塘海濱Vessel L約定大家到時見!
4. 焗西米布甸
整月餅有淨蓮蓉?一於物盡其用,整多個焗蓮蓉餡西米布甸啦!
材料:(可做2個)
西米 45克
鮮奶 200克
雞蛋 1隻
花奶 50克
糖 30克
吉士粉 1茶匙
牛油 15克
蓮蓉 40克
生粉 10克
雲呢拿籽 半條
做法 :
- 用大火煲西米2分鐘,倒出後蓋上保鮮紙放涼20分鐘備用。預熱焗爐至200度。
- 雞蛋打入另一碗中,加入花奶,生粉和吉士粉拌勻。
- 低脂牛奶倒入鍋,加入糖以慢火慢煮,邊煮邊攪拌。
- 加入(2)邊煮邊攪,直至杰身,可掛在發蛋器。
- 加入西米同雲呢拿籽拌勻。
- 先鋪一半(4)喺焗杯,再鋪上一層蓮蓉,然後再鋪上一層(4)。
- 放入焗爐焗18-20分鐘取出,最後撒上糖霜裝飾。
唔係成日焗嘢,唔想投資太多錢買個新焗爐?其實網上好多新淨二手焗爐出售,幾百蚊就可以帶番屋企喇!
5. 糖不甩
嫌以上嘅甜品太多步驟好麻煩?糖不甩又易整又好食,冇藉口唔親手整甜品孝敬屋企人啦?
材料:(可做12粒)
糯米粉 200克
微溫水 200毫升
冷水(室溫) 酌量
花生 40克
芝麻 20克
薑糖水:
水 2杯
老薑 3至4片
片糖 2片(約100克)
做法:
- 燒熱平底鑊,落幾滴油。用中慢火將花生炒至微黃色。兜起放涼後,放入膠袋用木棒壓成粗碎粒 。另外芝麻炒至聞到香味,兜起備用。
- 將微溫水逐少倒進盤中搓糯米粉,一邊倒一邊搓勻粉團。最後加入少許凍水,搓成唔黏手嘅粉團。
- 粉團搓成長條形,平均切成 12等份,再搓成丸子。
- 煮滾2杯水,放入薑片同片糖。再滾後收慢火繼續煮至更濃。
- 燒一大鍋滾水,水滾後放入丸子。 丸子浮起後撈起放入糖水中,用細火煮10分鐘。
- 撈起丸子,淋上些少糖水,灑啲花生碎同芝麻即成。
自問係甜品達人,好中意同人分享甜品食譜同埋交流烘培心得?快啲加入旋轉拍賣嘅「甜品迷」群組,識番班志趣相投嘅朋友吹水啦,如果你有咩秘密必勝食譜,唔好收收埋埋喇,係時候向廣大甜品迷show下quali喇!預祝大家中秋節快樂!