今次同各位分享冬天必勝穿搭技巧，又好睇又保暖，男男女女都唔洗愁出街玩點襯衫喇！
女裝:
穿搭1: 黑皮外套＋黑白上衣
小編真心建議各位唔好愛靚唔愛命，冬天一定要有件真正保暖嘅外套，千其唔好為咗好睇而買啲唔實用嘅單品。大家可以參考上圖，揀件內有毛絨嘅黑色皮外套，外套夠搶眼，裡面件衫幾乎唔洗用腦，只要選擇黑白色衫，再搭配黑色長褲或牛仔褲就搞掂！
穿搭2: 淨色冷衫＋粉色長褸
如果大家想睇落甜美啲精神啲，小編推薦眾多女星最愛嘅粉紅色長褸，搭配衣櫃人人都有嘅黑色、灰色毛衣就可以穿出氣質甜美感喇！
穿搭3: 裙＋過膝長靴
冬天想著裙又怕凍？過膝長靴絕對係你嘅好朋友。冷裙同長靴嘅搭配完全就係經典組合，隱約露出小小大腿但又唔會凍親，長靴仲會令腿部比例拉長！另外，大家亦可以著件淨色高領冷衫襯高腰Ａ字裙，高腰裙同長靴就會達到完美黃金比例，令對腳睇起更修長。
如果你自問係襯衫有自己一套風格，不如就去「形象分享」群組分享下啦！大家仲可以留意下黎緊冬天會與咩pattern同顏色，睇下點樣同自己衣櫃嘅單品mix&match，有野想買就去Carousell慢慢揀啦!
男裝：
穿搭１：牛仔褸＋大褸
牛仔褸相信係每位型男必備嘅單品，又型又百搭，四季都啱著！冬天如果想増加穿搭層次，可以喺外套內加多件牛仔恤衫或牛仔褸。如果入到空內覺得熱，亦可以打開牛仔恤衫鈕當外套著，裡面襯件黑色Ｔ恤就搞掂！
穿搭2: 衛衣＋長褸
其實好多外國型男都會咁著，呢種搭配方式超級保暖，又有層次感！大家可以根據天氣變化決定衛衣裡面要著多幾件衫，反正衛衣寬鬆，就算著多幾件HEATTECH都實得！呢個配搭只要下半身襯條牛仔褲就夠哂有型喇！
穿搭3：恤衫＋圓領冷衫＋外套
呢個絕對係冬天必著嘅多層次穿搭！冷衫裡面加件恤衫，然後外面再搭件外套，記得恤衫領一定反出黎！如果覺得咁著太斯文，可以喺恤衫落啲功夫，選擇一件有特別質地、顏色，或者花紋嘅恤衫，咁就已經可以改變成個感覺！
各位男士們，如果你嘅衣櫃太多外套，想換走幾件騰出空間再買過，不妨參加以下活動！
由11月24至11月30日期間，刊登男裝外套，喺「產品名稱」加上 #jacketformen，就會於下星期（12月4-11日）被放入首頁banner宣傳！刊得愈多、曝光就愈多！俾個貼士大家！將產品置中、用素色背景影相、調教合適光暗，都會令你嘅產品更吸引！
