【郊遊野餐賞花BBQ】港九新界假日好去處

0
2477

肺炎疫情未有減退跡象,多個國家進行封關措施,多間航空公司亦宣佈取消航班,好多香港人一早計劃好嘅旅程被逼取消,難免會失望。其實,香港都有好多地方俾人遊玩散心、感受一下大自然。呢段時間去唔到旅行嘅朋友仔,唔好太難過!Carousell為你地準備左一系列假日好去處,野餐、行山、BBQ、賞花,你想點玩都得!而且地點涵蓋港九新界,交通便利,唔少仲鄰近停車場,方便渣車人士,情侶親子遊都無問題~

地點分類:

新界區 九龍區港島區離島區


新界區

1.  天水圍綠田園:親子遊 活動多!

位於天水圍郊區嘅綠田園非常適合親子遊,所有活動都好啱大人細路一齊玩,共享天倫。場內有十多個自費玩樂設施,包括水上單車、滑草場、水上大滾筒,另有其他免費活動例如參觀菜田、菌菇場等,不設入場費。園內亦設有燒烤場,怕麻煩唔想自己帶野可以幫襯BBQ套餐,仲包埋起爐。渣車嘅朋友都唔洗擔心,場外有位置供免費泊車,非常方便。

水上單車
場內提供水上單車,收費$80 /(最多四位/ 20分鐘,$100按金),適合一家大細玩!
園內活動多,水上活動、燒烤場、滑草場一應俱全。


地址:天水圍沙江圍側(由天華路進入)
前往方法:

● 駕駛人士

向 <天水圍北及流浮山> 方向直去, 當分叉路口, 再向 <流浮山> 方向直去,於 <天華路>入

● 乘車方法

入在輕鐵頌富站下車,沿天華路步行前往

住得遠唔想轉幾次交通公具? 上Carousell搵超荀嘅租車盤啦,當中不乏有保證嘅賣家,有正規租車保險,租車話咁易 ↓↓↓

[青雲租車易]Audi A3 1.4t HK$620 (日租/半日租) – 按圖進入

HONDA JAZZ 2012 $ 500(日租) – 按圖進入


2.  大帽山家樂徑:行山影靚相首選

大帽山家樂徑位於荃錦公路扶輪公園內,全長0.5公里,路程短,慢慢行完約需30分鐘。大部分路段由碎石鋪成,平坦易行,路旁多有樹蔭,行山新手小朋友都可以輕鬆駕馭。附近仲設有停車場、洗手間、小食部等,超適合一家人去郊遊。家樂徑沿途有松樹、台灣相思、木荷、楓樹,毛稔等。如果天氣晴朗,企喺呢段家樂徑嘅觀景台可以睇到大帽山全貌,同時可遠望港島嘅大平山頂、IFC、中環廣場等嘅建築。

大帽山郊野公園
家樂徑位於大帽山郊野公園燒烤區內,地方寬敞,交通方便
大帽山家樂徑
大帽山家樂徑為環迴繞圈而走的林間石徑

前往方法:乘 51 號小巴,至”荃錦坳郊野公園站”下車,再向荃灣方向步行約幾十米,左轉入大帽山道,沿馬路上行到扶輪公園的家樂徑入口

鐘意野外活動嘅朋友點少得部合適嘅相機?GoPro係你地嘅首選!Carousell內有唔同嘅model俾你按照自己啲筆直選擇 ↓↓↓

go pro

GoPro Hero 7 Black $ 1900 – 按圖進入

go pro

GoPro Hero 8 Black $ 2400 – 按圖進入

九龍區

3. 南昌公園: 賞花野餐超寫意

南昌公園位於深水埗,行人徑兩旁種左幾十棵風鈴木,春天盛開時十分壯觀。不過想賞花嘅朋友留意,黃花風鈴木約於每年3月左右開花,開花期都大約只有兩星期左右,要睇嘅就趁快啦!公園內有大型草坪,面積高達2萬平方米,同朋友情侶野餐超岩,多人都唔怕逼。南昌公園非常「就腳」,港鐵南昌站D1出,過條馬路就到。

路旁樹上掛滿黃木鈴,與青草地十分配合

地址:深水埗深旺道20號

前往方法:九巴 12號線– 尖東鐵路站至海麗邨(循環線) / A21號線– 機場(地面運輸中心)至港鐵紅磡站  / 南昌站D1出口

港島區

4. 山頂公園:歐陸建築 適合野餐打卡

山頂公園位於太平山嘅柯士甸山道,花園以維多利亞時期嘅歐陸建築作背景,設有大草坪、水池、 小山丘、涼亭。公園環境舒適寧靜,鳥語花香,坐係草地同朋友食下野傾下計,煩惱一掃而空。園內有多個打卡位:英式涼亭、藍白小屋、四格花園,充滿英式風情,完全可以滿足女士們影靚相嘅慾望,同一班閨蜜黎野餐就岩曬!

山頂公園,野餐,打卡
環境優雅,西式涼亭盡顯貴氣,影相一流

山頂公園,涼亭,野餐

地址:山頂盧吉道31號

前往方法:中環交易廣場巴士總站乘15號巴士,約35分鐘 或 港鐵香港站公共運輸交匯處搭1號綠色小巴,約25分鐘;再沿山頂廣場旁邊的柯士甸山道往上走,約20分鐘

離島區

5. 清水灣大坳門:放風箏BBQ 一日遊好去處

大坳門位於清水灣郊野公園內,附近望山環海,遠眺可以見到果洲群島、橫瀾島、布袋澳等等,風景絕美。該位置有大片開揚嘅大草地專門予人放風箏,同時有燒烤設施BBQ,郊遊設施充足,仲可以帶埋寵物一齊玩,絕對係郊遊樂嘅好選擇。巴士、小巴都可以到達大坳門,落車之後往清水灣郊野公園方向行,大概20分鐘就可以到達放風箏地點 。

地址:西貢清水灣

前往方法:將軍澳港鐵站乘103M號小巴 / 寶琳港鐵站乘16號小巴 / 鑽石山港鐵站乘91號巴士 ,到大坳門迴旋處下車,沿指示往清水灣郊野公園,步行20分鐘

出去郊遊行山,一套舒服合身嘅運動裝係好緊要,女士們都要襯得靚靚先可以影靚相打卡架嘛,Carousell包辦你全套Outfit ↓↓↓

adidas top sport braNike Tee 女生運動上衣 $ 369 – 按圖進入

adidas legging

全新 Adidas 女裝運動褲 $ 160

Adidas UltraBOOST 19 $1200 – 按圖進入

【Carousell溫馨提示】郊遊時,要愛護大自然,唔好留下垃圾,以免破壞環境。另外,行山前謹記要做足準備,量力而為,睇清楚難道級別,盡量唔好獨上山,注意安全。

 

閱讀更多:

《愛的迫降》世理知性穿搭實惠版 上班返工OL必睇!
 七人家庭車精選
 香港十大打卡景點
 低碳旅遊法:本地自駕遊路線

LEAVE A REPLY

Please enter your comment!
Please enter your name here