香港人出名係旅行狂熱，每年起碼都要飛幾次，一定有好多執行李經驗啦！自問係執行李達人？睇完我哋嘅攻略之後，可能你會發現學到幾招架！
1. 行李清單
唔想去親旅行都帶漏嘢，又要哂錢哂時間走一轉買過，仲要目的地未必有自己用開嘅牌子！所以呢，按個人需要整個專屬嘅行李清單係十分重要！好簡單，只要打低個清單係電話，每次執行李就即刻拎出嚟，咁就十拿九穩！
2. 避免衫褲染上污漬
有冇試過執咗啲淺色衫褲去旅行，點樣個喼污糟咗搞到啲衫染上污漬，好鬼肉赤？唔想後悔嘅話，記住要反轉啲衫褲嚟摺！
仲有，大家可以拎酒店房嘅即棄浴帽，用嚟包住鞋底，咁就唔會整污糟個衫褲同個喼啦！
3. 卷衫＋真空袋
想個喼更慳位，又唔想去旅行都要熨衫，咁就記得唔好摺衫，要卷衫！卷衫會令衫褲冇咁易皺，將衫卷起後放入真空袋，再壓走空氣，咁就可以慳番啲位，又可以帶多幾件衫替換！加上用真空袋就唔會染上污漬，更加萬無一失！
4. 用行李收納袋分類
唔想次次搵嘢都要反轉個喼，咁就一定要用收納袋將行李分類喇！啲日用品同衫褲整整齊齊咁分開，咁就唔洗成日要執多次喼，轉酒店時趕頭趕命。
5. 預先用密實袋收好液體
搭得飛機就一定會經過安檢，唔想到時俾人攔住，逐樣逐樣液體拎出嚟放入密實袋，或者大頭蝦帶咗超過100ml嘅用品俾人沒收，咁就要做好準備喇！預先將所有液體放入密實袋，唔好收落喼，而係擺喺隨身行李，咁就唔怕俾人耽誤時間啦！
6. 防止粉狀化妝品碎開
化妝品就有如藝術品，碎開咗真係會心如刀割架！要避免呢個悲劇好簡單，大家只需要喺眼影粉／粉餅同蓋中間放塊化妝棉，咁就有避震效果架喇！
7. 唔好帶書
電影裡面成日都會見到啲主角喺沙灘椅上好休閒咁帶書，係咪好想仿效呢？唔好發夢喇！根據小編個人經驗，次次帶3,4本書去旅行有99%機會都唔會睇，只會哂位嘅姐。如果真係想睇書嘅話，我建議大家用Kindle下載定想睇嘅書，多選擇之餘仲唔會整到本書皺哂污糟哂。
8. 藥盒變身首飾盒
去旅行想影靚相，緊係會想帶多幾款首飾襯衫啦！點知一唔覺意周圍擺，影完一次想就唔見咗對耳環？唔洗擔心！大家其實可以用藥盒當首飾盒，每格擺一款首飾，咁就一次過集中收納好，唔會唔見啦！
9. 喼最緊要夠輕
工欲善其事，必先利其器──去旅行當然都一樣！時下好興啲金屬喼，靚就係靚，不過而家啲平機票行李限額咁細，個喼咁重真係太唔實際喇！加上如果大家去過歐洲就會知道，好多地方嘅地鐵站都冇電梯，要行樓梯，個喼咁重真係攞苦嚟辛！相比之下，布喼就比較輕身，而且點撞都唔會凹，唔會花！
10. 去旋轉拍賣「旅行」類別搵嘢買嘢
旋轉拍賣一直都應有盡有，又點會忘記照顧大家旅行所需呢？而家旋轉拍賣推出全新「旅行」類別，手機app版更清晰更方便！你會發現呢度可以一站式搵到所有關於去旅行嘅嘢！透過我哋嘅平台，大家可以上Skyscanner搵機票兼租車，用Klook計劃行程，順便禁入「Travel accessories 」同「Outdoor and camping」買埋旅行用品，遲啲好快仲可以book埋酒店𠻹！成個介面都係以港人熱門旅遊景點分類，好似台北、東京、首爾、曼谷咁，超級貼心方便，呢個攻略一定要記低！
11. 出發前先上討論區計劃行程
喺旋拍賣嘅「旅行達人」群組討論區入面，你可以分享你嘅好玩旅遊行程！同時亦可以喺到招同遊旅伴，同向其他用戶請教食、買、住、玩，以及當地交通嘅小貼士！
希望以上嘅攻略會幫到大家去旅行更得心應手，盡興而歸！