新手媽媽Q&A

0
441

首先小編要向各位媽媽超人致敬!孕育生命從來都唔容易,各位偉大嘅母親懷胎十月已經夠辛苦,但其實真正嘅考驗係產後嘅育兒挑戰!面對林林總總嘅湊B問題,希望以下嘅Q&A會解答到各位媽媽嘅疑慮啦!


1. 如何護理寶寶臍帶?

臍帶係孕期媽媽為寶寶輸送營養同氧氣嘅通道,分娩後唔會再使用,會剪斷結紮,形成臍帶殘端。通常嚟講,臍帶會喺7-14天脫落,最長時間唔會超過8星期。

正確應對方法:唔需要特別護理,只需注意保持臍帶殘端清潔乾燥,脫落之前唔建議同BB洗盆浴,可以選擇用濕毛巾抹身。 換尿片嘅時候,留意避免遮住臍帶,以免浸濕或者摩擦。如果臍帶周圍有紅腫、黃色分泌物,甚至有異味,應該及時就診。

 

2. 母乳食緊母乳,便便較稀係咪腹瀉?

純母乳餵養嘅BB通常便便都會係黃色或者微綠色,呈黏稠糊狀或者奶油狀,有時候會被媽媽誤以為係肚痾。另外,母乳餵養嘅BB大便次數可能會有較大變化,甚至可能會每日大便10次,每次餵奶或者用力嘅時候,都會噴出少少,其實咁樣係因為BB嘅胃腸反射,要釋放更多空間攝入母乳,唔洗太過擔心。

正確應對方法:母乳BB有看似肚痾嘅便便都係正常嘅,只要定時觀察BB飲奶同便便情況,如果BB各方面正常,體重穩定增長,媽媽就唔洗過慮喇。另外,隨住BB長大,由於母乳容易消化,只有好少廢物會通過結腸排泄,所以BB都有機會成個禮拜先大便一次。

 

3. 母乳應該餵到幾時?

世界衛生組織、國際母乳會等都要求純母乳應餵到六個月,母乳餵養應至少十二個月,最好去到兩歲。有調查顯示,母乳餵得越長時間,BB日後患癌、腦膜炎、骨質疏鬆、糖尿病和哮喘等疾病嘅機率都會越低。餵母乳亦對母親自身好有多好處。

 

4. 媽媽感冒的話,係咪要暫停餵奶?

其實喺媽媽感冒發作前,BB就已經接觸到感冒病毒,而母乳內就正正有BB最需要嘅抗體,突然斷奶對BB都係百弊而無一利。不過,如果你有服用抗生素,都最好要咨詢一下家庭醫生意見。

 

5. 點樣預防BB出尿布疹?

尿布疹代表喺尿布覆蓋範圍出現皮疹或者發炎,通常出現喺屁股、生殖器同埋大脾褶位。出尿布疹係因為BB皮膚薄,接觸尿液或者糞便之後出現皮膚發紅或者細疹。呢個情況可能換尿片嘅次數同時間有關 。

正確應對方法:及時更換尿片,減少BB皮膚接觸潮濕環境。BB每次大便後,用清水沖洗乾淨,然後用乾淨棉布抹乾。為咗避免尿液、糞便刺激BB皮膚,可以搽啲BB油同埋無香料潤膚霜,保護BB皮膚。

 

6. 如何預防乳線炎?

產後儘早密集哺乳(每天哺乳8-12次),面且學識兩種以上哺乳姿勢,等BB用正確姿勢含乳,避免受傷,同時有效移出乳房奶水,哺乳後亦要幫BB用正確方式離開乳房,媽咪要攝手指頭入寶寶嘴角,解除吸奶時嘅真空狀態,避免直接拉扯。另外,要觀察寶寶飲奶情況, 有需要時要擠奶,避免乳房過度腫脹。如果係上班媽媽,都要記住定期儲奶,就算要將奶掉去都冇辦法,要避免過度漲奶啊。

要講湊仔經真係洋洋幾萬字都唔會講得完,如果各位新手媽媽想互相取經交流,搵朋友互相支持鼓勵,一齊度過呢個學習階段,記住上Carousell嘅精叻MAMI群組,喺充滿關懷嘅討論氣氛同一班媽咪互助互勉!

SHARE
Previous article秋天行山好去處
Next article秋冬粉底大檢閱
Avatar
Love to scrap when inspiration come. Always be crazy over cute little things.

LEAVE A REPLY

Please enter your comment!
Please enter your name here