搵地產經紀定自己放盤好? 4 點利弊詳細分析!

0
2124

傳統地產行業只能透過物業代理租樓買樓,即由經紀代表客戶處理交易。但隨住科技發展,網上樓盤買賣平台例如 Carousell Property 出現,令樓盤資料透明度提高,吸引唔少業主自行喺網上放盤。

香港地產經紀一般會收取 1-2% 嘅佣金,以購買一層價值 600 萬嘅樓計算,佣金可達12萬,數目真係唔細㗎!作為精明投資者,一定要搞清楚自己需要,了解邊種放盤方法適合自己。Carousell 為用户提供晒兩種選擇,無論搵經紀定自己買賣都得。下文將會從買家角度分析 4 點利弊,幫你作出最啱自己嘅選擇!

 

1. 尋找合適房屋

地產代理作為中介人,可以輕鬆為你搜集市場上各種實用資訊,例如業主放盤、最近成交資料等等。由於代理比較熟悉行情,手上亦有唔同樓盤,可以更快為你挑選同配對合適嘅單位。

自己放盤嘅話,你需要自行上網蒐集資料,可能要花費更多時間。但而家網上資訊透明度極高,自己搵樓盤都唔係難事!你仲可以根據你嘅喜好,用樓宇賣平台加入不同準則篩選單位,更加容易揀到最心水嘅單位!

Carousell Property 精選商家: http://carousell.com/s/12761

2. 議價能力

地產經紀擁有分析物業市場價值嘅專業知識同工具,可以幫你同買家或賣家協商價格,唔需要客户主動出面談判。另外,經紀嘅議價技巧通常較強,容易傾到個好價錢。

自己放盤嘅話,業主可以更輕鬆地與賣家直接溝通接觸,無須靠中間人傳話,分分鐘靠自己傾到更好價格。而且約睇樓、簽約等全部由自己話事,業主嘅主導權大大提升。

 

3. 提供融資意見

地產經紀具備經驗,可以提供有關銀行貸款嘅實際預算同建議,呢類投資意見對於首次置業嘅人士尤其重要。另外,有地產代理亦會有按揭轉介服務,方便客戶需要。

假設你係位有經驗嘅業主,已經具備一定投資經驗或有研究融資工具,其實唔太需要地產經紀嘅幫助。你可以諮詢財務顧問或銀行嘅意見,自行處理貸款等問題。

 

4. 處理法律文書

決定交易後,地產經紀會幫你處理買賣協議和其他法律合同,協助客户完成物業交易手續,令整個買賣順利完成。

如果你已經自行搵到心水樓盤,並且同對方商量好,則只需準備物業交易文件,然後聘請律師完成呢部分嘅買賣工作。法律顧問能夠為你提供更專業意見,並解答你所有疑難。

Carousell 上筍樓:https://www.carousell.com.hk/property-for-sale/h-590?

其實搵經紀定自己放盤兩種方法都各有各好,Carousell 就可以滿足晒你兩種需要!只要比心機做足功課,自己放盤其實冇想像中咁難,仲可以慳返一大筆佣金!由而家開始留意多啲樓市資訊,用 Carousell Property 為上車做足準備!

LEAVE A REPLY

Please enter your comment!
Please enter your name here