俗語有云：「第一印象係好重要架！」
無論你係信唔信呢一句都好，相信你都會認同係網上買嘢，好多時候我哋都會根據「第一印象」而決定撳唔撳入去某件產品度睇一睇。
而呢個情況亦都應用係Carousell 嘅買家當中。 要吸引買家撳入去你嘅產品，就需要有好嘅「第一印象」；要有好嘅「第一印象」，就需要有張「吸睛」嘅產品照片！
以下落嚟，我將會同大家分享下幾個打造令人耳目一新嘅產品照片嘅小Tips，就算你本身係「攝影白痴」，都可以即時掌握影相嘅小技巧。
-
-
如何令你嘅產品成為焦點
-
喺適當嘅光線下拍照
-
多角度展示你嘅產品
-
1. 如何令你嘅產品成為焦點
由於有太多相似嘅產品，買家好多時候都唔會好仔細咁睇每個產品。如果你嘅產品唔係個張相間中心焦點，買家好容易就會睇漏你個產品！
所以，係影產品照片嘅時候，記得要將產品擺正喺相嘅中心，咁樣就可以好清晰咁話俾買家知你賣緊嘅嘢！
2個將產品成為相片焦點嘅小Tips:
i) 背景顏色要與產品成對比:
如果背景色調同產品嘅顏色太相近，產品好容易就會同背景融為一體，更難吸引買家嘅注意！
ii) 盡量清走「唔關事」嘅物件，令產品成為照片嘅唯一焦點:
當產品照片入面有好多「唔關事」嘅嘢 嘅時候，買家就要花更多嘅時間分辨出 邊樣先係你想賣嘅嘢，咁樣只會增加買家嘅不便，從而減低佢哋被你嘅產品吸引嘅機會
2. 喺適當嘅光線下拍照
光度係決定一張相到底「吸唔吸睛」嘅重要因素！
你可能會覺得：要影相光線充足嘅相，就一定要有部好專業嘅相機，又或者係要「打燈」；
但係，事實係你只需要好好利用你部手機同埋天然嘅陽光，就可以影到張既唔會曝哂光，亦唔會太暗淡既產品照片！
2個 掌握好照片光度 嘅Tips:
i) 好好利用天然嘅光線:
喺影相嘅時候，將產品放近接觸到陽光嘅地方，例如窗嘅旁邊，就能好好利用天然嘅光線，增加照片嘅光度；但係都要記住避免直接/ 太強烈嘅光線，如果唔係影出嚟張相就會反哂光架啦！
ii) 夜晚先得閒影相，咁點算？
對於要番工嘅人嚟講，唯一可以抽空出嚟影相嘅時間就係夜晚。就算係夜晚無太陽嘅時候，只要用確保 影相嘅時候夠足夠嘅燈光就可以啦！
3. 多角度展示你嘅產品
所謂嘅「多角度展示」，其實就係喺上載產品嘅時候，盡量影多幾張產品唔同角度嘅相。Carousell 容許用戶每個產品上載多達10 張相，咁就可以唔同角度咁展示產品，令到客人更加了解你嘅產品！
除此之外，如果你登記成為我哋嘅旋轉商店 (Caroubiz)，仲可以錄影你嘅產品。喺咁多圖片產品中，一個影片嘅產品會立即吸引買家嘅注意！所以產品嘅影片係可以增加多達3倍嘅點擊量及50%嘅潛在客戶架！
除此之外，如果你想令到你商店嘅頁面更加井井有條的話，旋轉商店更提供收藏產品嘅功能。
收藏產品就好似你帳號內嘅文件夾，可創建分類收藏以展示最新產品、促銷優惠以及其他更多。
了解更多關於旋轉商店唔同嘅功能，歡迎瀏覽！
最後最後，如果係影完相之後，想再執一執幅相，其實你可以使用Carousell 手機應用程式入面嘅內存修圖功能，輕易就可以執出一幅你想要嘅相！
Step 1:
Step 2:
Step 3:
你仲唔快啲開始試下用！一齊影出「吸睛」嘅相啦！