家中必備面膜大檢閱

0
1338

又到咗檢閱護膚品嘅時候喇!今次同大家分析幾款唔同功效嘅家中必備面膜,照顧大家肌膚唔同需要,價錢有平有貴,有讚有彈,希望幫到大家啦!

保濕面膜

Dr. Wu玻尿酸保濕微導面膜

呢款面膜可謂係小編最愛嘅保濕面膜,係我用過最貼面、最好吸收嘅面膜。佢嘅精華唔係好似某啲牌子咁多到周圍滴,但係就好有效好保濕,敷完之後皮膚即時感覺好軟熟好飽滿。不過缺點就係價錢貴,二百幾蚊得3塊,好難捨得日日敷。不過上Carousell買就只需要一半價錢,冇咁肉赤!

立即購買>>

Utena 黃金凝膠面膜

呢款黃金面膜嘅精華好濃好杰,係滋潤型面膜,敷完之後塊面變到好滑好飽滿,連乾紋都會減淡,適合皮膚乾燥人士,特別喺秋冬時分同埋去旅行時候用。如果你係油性皮膚,呢款面膜可能會太笠,建議選擇番啲質地輕身啲嘅面膜。

立即購買>>

LOVEMORE 蘆薈絲瓜面膜

呢個來自台灣嘅品牌有好多款面膜,大部分我都有試過,效果都唔錯,其中最補濕嘅就係蘆薈絲瓜系列。佢嘅價錢親民,性價比高,係平價面膜之中表現算十分唔錯。最可惜係香港冇專櫃買,唔想飛台灣先有得入貨,可以考慮上網買,Carousell都只係賣緊$45一盒咋。

立即購買>>

 

急救面膜

AD+舒敏補濕面膜

呢款面膜有效舒緩因為痘痘而引起嘅炎症,對暗瘡肌好有幫助,敷完之後會即時降紅同埋消炎,鎮靜皮膚,皮膚唔穩定嘅時候就靠佢,不過同Dr.Wu一樣,價錢偏貴,要成$100一塊,所以都係急救先會用!

立即購買>>


Origins 靈芝菇菌抗逆健膚鎮靜面膜

小編一直有用開呢個牌子嘅靈芝爽膚水,的確係有舒緩敏感嘅效果,但係呢隻同系列面膜個人認為降紅抗敏功效唔多明顯, 同時亦唔係好夠補濕,敷完之後唔覺皮膚有咩改善,而且價錢唔算平,所以唔多推介。

立即購買>>

Avène抗敏舒緩面膜

上集小編有集中介紹過Avène呢個法國抗敏品牌,佢呢款紙面膜係為亞洲人而設嘅,係膏狀果款抗敏舒緩面膜嘅加強版!事關小編都覺得膏狀果款只抗敏不補濕,呢一隻就補濕抗敏都十分有效,不過當然價錢都貴少少,如果唔知自己需唔需要用加強版,可以去Carousell買一塊試下先,覺得好用先買一盒就唔怕買錯啦!

立即購買>>

 

清潔面膜

Kiehl’s亞瑪遜白泥毛孔深層清潔面膜

呢隻白泥面膜係品牌嘅皇牌產品,清潔效果唔錯,用完之後皮膚會白淨明亮咗,不過就偏乾,如果你同我一樣係乾性皮膚,敷完之後一定要做足補潔濕,如果唔係鼻側位置好易爆拆!

立即購買>>

Origins活性炭深層清潔面膜

呢款清潔面膜算係唔乾嘅清潔面膜,清潔力中上,用後可以令黑頭易啲整出嚟,不過就唔會有「大掃除」嘅感覺,適合皮膚唔係好多污垢油脂嘅人定期去角質。

立即購買>>

GlamGlow SuperMud 白罐潔淨面膜

呢款荷里活明星大推嘅白罐潔淨面膜俾人吹捧到神物咁,我都唔汁輸喺外國買咗罐嚟試用!呢款係我用過清潔力最強嘅面膜,敷咗冇耐就感覺刺刺哋,而且好似真係深入咗毛孔清潔咁,啲黑頭會浮哂出嚟!不過要留意,呢款面膜比較強勁,小編敷完後成塊面紅哂,要第二朝起身先退紅!睇怕都係唔多適合敏感肌使用啦!如果你係油性肌膚,呢罐絕對幫到你!而家上Carousell買比市價平二百幾蚊,試得過!

立即購買>>

希望今次會幫大家搵到適合自己膚質需要嘅面膜,咁就幾時都有各種面膜看門口啦!

SHARE
Previous article精選中秋佳節甜品
Next article旋轉拍賣至HIT群組話題
Avatar
Love to scrap when inspiration come. Always be crazy over cute little things.

LEAVE A REPLY

Please enter your comment!
Please enter your name here