女裝冬季外套推薦

0
771

冬天殺到,又係外套大褸出動嘅時候喇!有件靚褸在身,即時就可以令造型升級,一齊睇下今季最流行嘅外套款啦!

泰迪熊外套

今年teddy coat喺外國相當流行,好多歐美ig紅人都不斷展示配搭teddy coat嘅造型,但係香港街頭就唔算好常見。其實teddy coat絕對唔會好浮誇好大牌,只要揀啱適合自己嘅顏色,無論係型格定甜美,都可以輕鬆駕馭!一般白色同啡色係最簡單又好睇嘅顏色,好輕鬆就可以同普通素色衫配搭,而且淺色亦唔會令整個人睇起來過於厚重,好似上圖嘅示範,上身裡面襯純色衫,下身襯條牛仔褲或者黑色褲已經好搶眼。而家Carousell仲有人氣Blogger Chiara Ferragni同款teddy coat出售!

photo

photo

 

仿皮草外套

講到保暖同華麗感並重,皮草外套絕對係首選,因為皮草睇落好有光澤,一著上身就會令整體風格有十分奢華嘅感覺。當然,真皮草又貴又唔環保,絕對唔應該購買,而家市面上好多仿皮草褸同樣做到好滑同好令嘅效果。搭配上,短身嘅皮草外套比起長版睇落更時髦同年輕,亦可以拉長下身嘅比例。Carousell都有好多類似款式,價錢仲好親民𠻹!

photophoto

 

毛絨Biker皮褸

皮褸雖然係靚,但香港時熱時凍嘅天氣就唔係時常可以著到,想喺寒冬著件有保暖效果嘅褸,可以選擇今年各大fashion show場外曝光率極高嘅毛絨Biker皮褸,時髦得嚟又暖粒粒。揀選呢類外套嘅時候,可以選擇上圖呢類內外對比色嘅褸款,咁就會比較搶眼,下身襯番舒適嘅褲都會好型格,就好似Carousell有賣嘅呢款!

photo

孖襟闊領長褸

熱愛斯文成熟打扮嘅你,又可以唔買番件孖襟闊領長褸旁身呢?比起深色,選擇素色長褸會溫柔得嚟又精神,想顯得成熟幹練,可以好似上圖咁配搭長褲,如果想偏向甜美少少,襯條針織長裙就會斯文得嚟又唔會太正經喇!輕輕鬆鬆上Carousell就搵到件韓風同款大褸喇!

photo

今個冬季想買多幾件褸旁身,又唔想荷包出血?Carousell 1月限定大優惠,大量服飾有5折速銷,快手去Carousell用「#跟我一起半價出清」搜羅心水外套啦!

 

LEAVE A REPLY

Please enter your comment!
Please enter your name here