咖啡知多少

0
1084

香港嘅咖啡店開到成行成市,好多人飲咖啡唔單止為咗提神,仲認為呢門手藝係可以品嚐嘅藝術。唔知大家對咖啡嘅認識有幾深呢?世界上有超過100 種咖啡,其中以阿拉比卡(Arabica)同羅布斯塔(Robusta/Canephora)最為普遍。 無論喺味道、成分同種植條件方面,呢兩種咖啡都有好大分別,一齊了解多啲啦 !

Robusta-Arabica-bean 阿拉比卡羅布斯塔

阿拉比卡Arabica

特點:貴、味道柔順、咖啡因低

點解啲咖啡廣告成日強調自己係100%阿拉比卡咖啡?皆因淨係睇價錢嘅話,阿拉比卡的確係高級啲,價錢通常係羅布斯塔嘅兩倍。阿拉比卡嘅果實係橢圓形,咖啡因含量低(0.9-1.2%),脂肪含量比羅布斯塔多60%,至於糖份就係兩倍。所以順理成章,阿拉比卡入口比較順滑柔和、甜度較高,仲會帶啲梅果嘅酸味。

由於阿拉比卡嘅綠原酸較低(5.5-8%),而綠原酸除左可以抗氧化,仲有抵抗害蟲嘅重要功能,所以阿拉比卡咖啡豆較易受害蟲侵害同埋氣候影響,一般都係喺較高海拔嘅地方種植,結果較少亦會較慢。目前阿拉比卡嘅最大種植國係巴西,哥倫比亞就只係出產阿拉比卡咖啡。

羅布斯塔(Robusta)

特點:平、味道苦烈、咖啡因高

羅布斯塔果實呈圓型,咖啡因較高(1.6-2.4%),而脂肪、糖份含量就較低,所以味道會苦啲同強烈啲。佢嘅綠原酸含量較高(7-10%),冇咁易受害蟲同埋氣候影響,一般種植喺海拔較低嘅地方,結的果實又多又快。 目前羅布斯塔嘅最大種植國係越南,非洲同印度亦有生產。

因為價錢平,所以好多商家為左降低成本,會用羅布斯塔溝落咖啡粉,而家市面見到嘅即溶咖啡通常都係羅布斯塔。唔好羅布斯塔就冇好野,其實品質好嘅羅布斯塔豆常會用嚟做濃縮咖啡(espresso),因為貪佢嘅咖啡脂層(crema)比較豐厚。就味道而言,品質好嘅羅布斯塔會比差嘅阿拉比卡豆優勝架!

其實每人口味不同,有人中意香氣,有人中意苦澀,都唔一定貴嘢先覺得好飲。除左豆種,咖啡嘅味道都好視乎烹調方法。

如果你自認咖啡狂,收埋好多珍藏咖啡豆,又或者好想鑽研咖啡,想向大師請教,千其唔好錯過咖啡迷群組喇!喺呢度大家可以分享烹調咖啡嘅方法,香港有咩隱世正café,亦可以post下靚靚coffee art嘅相,任何關於咖啡嘅話題都無任歡迎!

同一班朋友傾完咖啡,最啱就係約出嚟一齊買咖啡喇!嚟緊11月17-18日,《麥田捕手 • 假日市集》會有品味咖啡嘅市集活動,等大家可以喺秋意濃濃嘅日子好寫意咁享受香醇撲鼻的咖啡。到時除左有咖啡豆買之外,仲會有即沖咖啡同埋小食。大家仲可以參加咖啡拉花工作坊、咖啡杯設計工作坊等等,又飲又食之餘仲有得玩!各位咖啡迷仲可以擺下攤位同其他朋友分享自家產品,有興趣就快啲報名啦,詳情可以瀏覽facebook page!

麥田捕手 – 品味。咖啡

日期:2018年11月17日至11月18日

時間:13:00至20:00

活動位置: 荔枝角長義街9號 D2 PLACE ONE 2/F The Space

按此睇更多活動詳情

SHARE
Previous article香港單車遊好去處
Next article秋天行山好去處
Avatar
Love to scrap when inspiration come. Always be crazy over cute little things.

LEAVE A REPLY

Please enter your comment!
Please enter your name here