旋轉拍賣近排推出嘅群組功能深受歡迎，事關大家除咗可以去吹水交流、認識新朋友，仲可以購物尋寶𠻹！呢個一站式體驗唔單止方便，仲可以令會員之間嘅關係更加親密，建立專屬嘅社群。
美容試用裝群組
最近我哋嘅美容試用裝群組討論十分熱烈，好多貪靚一族都中意分享香水sample，平時啲香水好多都大大支，唔方便帶出街，放個sample喺袋，細細支放入銀包都得，隨時隨地都可以keep住香噴噴！有啲愛美族就會透過我哋個平台仲會同其他會員交換sample，如果大家平時買嘢收到啲唔適合自己嘅sample,記住唔好扔，佢可能會成為其他人嘅恩物架！互相交換可以減少浪費，又可以換到自己中意嘅sample,一舉兩得！
旅行達人群組
香港人去旅行嘅頻密程度首尾一指，每位都係旅行達人，世界幾遙遠嘅角落都有人踏足過，自然就好多貼士同人分享啦！喺旅行達人群組就有唔少會員分享自己嘅旅遊美照，介紹另類景點。由航空公司、酒店、行李喼至行程安排，任何關於旅遊嘅資訊都應有盡有，下次去旅行大家唔洗周圍搜集資料喇，旅行達人群組一定滿足到你！睇完其他朋友分享，仲可以順便買埋旅行用品𠻹！
Lego Collectors群組
平時上開Carousell買Lego嘅你，千祈唔好錯過呢個為Lego迷而設嘅群組喇！呢度可以買賣貨真價實嘅Lego套裝同系列，又可以同一眾樂高友交流砌嘢心得，最重要係可以搵到最經典、懷舊、罕有，甚至係已經停售嘅人仔同零件！我哋Carousell把關嚴謹，只會容許刊登原廠Lego樂高貨品，包你買得安心。近排有會員砌咗個Old Fishing Store lego同大家分享，吸引咗唔少留言，如果你都有寶貝想哂下命，記住去群組開post喇！
PLANTS & GREENS群組
園藝種植陶冶性情，即使香港寸土尺金，都依然有好多種植迷！如果你對打理植物有疑問想偷師，或者想調番轉分享園藝心得，PLANTS & GREENS群組有1500個會員同大家交流吹水！就好似呢幾日有會員向廣大會員求救，請教點樣救番自己棵植物，好快就有好多大師出手相救喇！如果大家有靚靚花樽同園藝用具想出售，我哋同樣歡迎架！
無論係買嘢、賣嘢定吹水，都可以一站式喺Carousell搞掂，方便快捷又可靠，快啲加入群組，唔好錯過我哋嘅至hit話題！