無論時代點變，年紀幾大，打機永遠都唔會過時！今次同大家分享十大最不可錯過嘅電玩遊戲，一齊睇下有咩game可以入手啦！
- Overcooked 2
要數任天堂Switch最受歡迎遊戲，Overcooked一定係數一數二。玩Overcooked可謂係友誼同愛情最大試煉之一，聽講每個玩家都會玩到鬧交，事關一玩你就會意識到身邊幾多豬隊友！而家Overcooked 2來臨，定必再挑起戰火，去Carousell入手啦！
2. 龍珠
龍珠呢個game係好多八十後嘅童年回憶，即使到咗而家都依然咁受歡迎，陪伴好多代人長大。平時讀書做嘢咁大壓力，放假同家人好友交個手，大打幾個回合就最減壓啦！
3.太鼓
想當年NDS大熱，每個細路手上都會拎住一部起勢咁㩒，玩太鼓玩上癮！呢個game仲成就咗唔少金曲，唔識日文都會識唱幾首！而家大家仲鍾意買埋鼓棍喺屋企玩，實行個個做鼓神！
4.爆旋陀螺
官方消息話Switch好快就會推出《爆旋陀螺Battle 》，玩家可以利用Joy-con摸擬射出陀螺，做法同玩具完全一樣 。而且，遊戲仲會收錄電視版《BEYBLADE Burst》劇情，等玩家可以喺遊戲入面重溫細節。 各位爆旋陀螺發燒友記住密切留意。
5. 高達
高達一直都係唔少人心目中嘅熱血象徵，好多人由Play Station開始追到而家連Switch版都玩。聽講Switch版包括PS4/PSV版推出至今所有追加任務DLC，仲有獨家DLC，加送懷舊版《SD高達G-GEN X》下載碼，等大家可以過足癮回味舊款G-GEN！
【Carousell 打機迷群組】
自問係機迷，有好多攻略想開心share？啱啱買咗隻新game，想識班志同道合嘅朋友交流心得？屋企太多game想同人交換新game玩？唔洗諗喇，快啲加入Carousell群組討論區，無論你玩開Switch, Play Station定係X-Box，都有各位機友同你交流新game資訊，分享邊隻game值得入手，隨時隨地同你傾餐飽！快啲去入群組睇吓啦！
【Nintendo Switch Group】【PlayStation Group】 【X-BOX Group】
6. Super Mario
Super Mario早就成為任天堂嘅代名詞，地位無可取代。Switch嘅《Super Mario Odyssey》仲多咗好多新玩法，最大特色就係用紅帽子嘅神奇力量變身敵人。只要用帽子打中特定敵人，就可以化身敵人，然後利用佢哋嘅優勢令移動更方便，仲可以快啲過關𠻹。
7. MARIOKART
Mario兄弟另一招牌遊戲MARIOKART降臨Switch，多咗好多靚場景選擇，最適合成班朋友對戰，玩到熱血沸騰！
8.海賊王
聽講海賊王喺PS4好快會有新作，背景舞台叫做Jail Island， 玩家會穿梭貧民窟、高樓大廈、中華風街道、海賊酒吧、 地下採礦場同墳墓，展開奇幻之旅，相信好多機迷都翹首以待！等新game期間不如玩住Burning Blood先？
9. 數碼暴龍
當年「被選中的細路」如今個個都已經長大，但仍然不阻大家對數碼暴龍嘅熱愛，育成自己心愛嘅數碼精靈進行戰鬥！
10. Just Dance
Just Dance一直都係Party 寵兒，一班朋友冇嘢做跳下舞，好玩之餘又可以出番身汗。見到手腳唔協調嘅friend仲會笑餐飽！呢個game老少咸宜，好啱做親子遊戲。
加入Carousell群組討論區，交換GAME之餘，認識朋友一齊打機！
