人生不可錯過嘅十大景觀

0
3198

香港人出名鍾意去旅行。不過除咗飲飲食食,行街shopping之外,大家又有冇諗過要親眼見證世上最美奇觀?今次同大家介紹,人生不可錯過嘅十大景觀,同大家一齊向世界出發!

  1. 天空之鏡──玻利維亞

「天空之鏡」全世界最大嘅鹽沼,位於玻利維亞南部小鎮烏尤尼附近。烏尤尼鹽沼係由安地斯山脈隆起過程中所形成嘅,面積達10,582平方公里,無論係日頭定黃昏都擁有絕美景色。

 

2. 維多利亞瀑布──非洲贊比西河

維多利亞瀑布位於非洲贊比西河嘅中游,喺尚比亞同辛巴威之間,堪稱係世界三大瀑布之一,成128尺高。當地人仲會叫呢條瀑布做Mosi-oa Tunya,即係「似雷霆咁轟轟作響嘅煙霧」咁解喎!

 

3. 科羅拉多大峽谷──美國

科羅拉多大峽谷位於美國亞利桑那州,由科羅拉多高原抬升,科羅拉多河自然沖蝕,切割層層沉積岩,經近20億年來嘅地質變遷先形成。嗰度地勢險要,有種震懾人心嘅魅力,難怪列入左世界自然遺產啦。

 

咁難得山長水遠去睇景,點都要影相留念嘅!去Carousell揀番個專業相機啦。

 

4. 羚羊峽谷──美國

去完大峽谷,冇理由唔順便去埋附近嘅羚羊峽谷!同樣位於美國亞利桑納州,羚羊峽谷係是世界有名嘅狹縫型峽谷,相信大家都一定喺攝影雜誌一睹過佢嘅風采。因為景觀太過妙不可言,據說老一輩嘅納瓦荷族人仲會視羚羊峽谷為靜思同與大靈溝通嘅神聖地。

 

5. 九寨溝──中國

中國地大物博,好多自然風景都好出名,其中四川省北部嘅九寨溝就係保育得好好嘅景點之一。九寨溝可以分為五大景區,有齊湖泊、瀑布、河灘、溪流同埋雪峰,一次過就可以飽覽多種自然山水美景。睇相真係靚到以為係P圖呀!

 

6. 懷托摩螢火蟲洞──紐西蘭

紐西蘭螢火蟲洞奇景堪稱「地底滿天星」,係一個石灰岩洞,入去一定要搭船。入面漫佈淺綠色星光,原來係由洞穴內特有嘅螢火蟲形成。夜晚去洞穴參觀,真係會有置有銀河嘅感覺。

 

鍾意拍片記錄行程嘅朋友,不妨買部GoPro,夠輕便,又防水。

 

7. 下龍灣──越南

港人近年熱門旅遊國家越南原來都有世界自然遺產㗎。下龍灣位於越南東北部,分佈咗無數個石灰岩島嶼,十分壯觀。而且有啲島嶼都有巨大洞穴,入面有好多天然鐘乳石同石筍。去開河內嘅朋友不妨見識下下龍灣。

 

8. 馬丘比丘──祕魯

馬丘比丘意為「古老的山」,位於祕魯,仲被譽為係世界新七大奇蹟之一。呢個遺址海拔高達2300-2400米,地形獨特,可以俯瞰烏魯班巴河谷。考古學家仲話呢到以前好大機會係印加貴族嘅鄉間修養之地,可謂人傑地靈。

 

9. 大理石洞穴──智利

智利大理石洞穴係經過六千幾年,由波浪不斷拍打石洞石牆形成。冰藍色嘅海水再加上奇形怪狀嘅石紋,實在係蔚為奇觀。不過想去一睹大自然嘅魔術嘅話,就要先搭飛機到聖地牙哥,再坐兩個鐘車走過爛泥路,最後再搭船進入洞穴,絕不容易呀!

去睇世界奇觀搭飛機都十幾個鐘,咁無聊,最好就係用tablet打機睇片解悶喇!

 

10. 布羅莫火山──印尼

布羅莫火山係位於印尼爪哇島嘅活火山, 海拔高達2,329尺。呢個火山地貌好似月球表面咁,火山口係山頂盆地之中,盆地中嘅雲海彌漫住一片神秘,仲有好多人會慕名而來去睇日出。

 

返工做嘢咁辛苦,望住呢啲奇景夠哂動力努力工作,儲錢去旅行啦!

LEAVE A REPLY

Please enter your comment!
Please enter your name here