不可錯過!聖誕送禮俾女仔係呢啲!

0
1134

話咁快就年尾喇!全年最有氣氛,最令人期待嘅聖誕節就快到啦!無論你係送禮物俾女朋友、暗戀對象定係媽咪,我哋都已經幫你集合哂各大美妝品牌嘅聖誕禮盒!

The Body Shop

Body Shop今個聖誕推出咗節日限量版25日月曆禮盒,裡面包括品牌嘅皇牌產品,包括椰子身體潤膚霜、乳木果潤手霜、杏仁奶蜂蜜潤膚霜同埋英倫玫瑰身體磨砂膏!$799就可以帶好多隻貨size產品番屋企,都幾抵玩架!

Kiehls

今年Kiehls嘅聖誕禮盒都幾豐富同實用,由頭到腳嘅都包攬哂,真係冇得唔出血!首先皇牌金盞花套裝有齊哂全套日常面部護理產品都只係$560,仲有好多其他唔同價位同組合嘅禮盒,誠意十足!小編自身係Kiehls嘅特效保濕面霜嘅忠實粉絲,所以一定會入手特效保濕孖裝套裝!另外亦推介佢哋嘅洗頭水同潤唇膏!

Charlotte Tilbury

雖然CT今年先進駐香港,但係好快已經俘虜愛靚人士嘅芳心,華麗嘅包裝加上高質素嘅產品,好多人都對佢哋嘅唇膏同眼影都讚不絕口!今次呢個聖誕月曆禮盒有齊美容同化裝產品,包括熱爆全球嘅Pillow Talk唇膏同埋打底神物Magic Cream,小編兩樣都想試好耐,奈何一直嫌價錢貴,今次$1600可以試到咁多產品,我諗我都會入手!

Diptyque

每年Diptyque出月曆禮盒都有長長嘅Waitlist,小編一直都好想睇下佢哋有幾巴閉,今次一睇,原來確實係靚到”嘩”一聲!(但價錢都令人嘩一聲,要成$4100!)不過,佢哋淨係個包裝已經夠哂奢華,聽講好似係搵咗名牌手巾仔設計師操手架,淨係擺喺屋企供奉已經夠哂開心!裡面仲有齊好多Diptyque嘅皇牌香水、身體護理產品同埋迷你蠟燭,其實計番都係比單買抵好多嘅,如果你係品牌粉絲,咁就不容錯過喇!

Jo Malone

對香氣情有獨鍾嘅各位,同樣賣$4100嘅Jo Malone月曆禮盒都係好吸引嘅選擇!包裝嚟睇,Jo Malone嘅英倫大宅設計睇落優雅大方,裡面24格盒子亦有齊古龍水、香氛蠟燭同埋身體護理產品。如果一個人用唔哂,其實可以揀完自己中意嘅產品後放上Carousell賣,咁就有人開心share啦!

話時話,除左聖誕套裝可以擺上Carosell同人分享,大家以前聖誕節抽到嘅舊禮物都可以有著落啦!舊嘅聖誕禮物得唔到你寵幸都唔緊要,佢哋都可以活得更有價值!

30/11-6/12期間,將你覺得啱畀男仔嘅聖誕禮物 加 #MenXmasGift (記住要喺產品名稱加!),畀女仔嘅聖誕禮物加 #LadiesXmasGift,價錢設於 $100-$200 !Carousell會揀選合適同吸引嘅產品,由12月13日開始喺首頁banner宣傳一星期!記住唔好錯過呢個出清機會喇!

LEAVE A REPLY

Please enter your comment!
Please enter your name here