一年容易 DSE – Carousell撐著你!

0
581

DSE 都差唔多去到一半啦,各位考生要加油呀!

小編當年考DSE嘅時候溫過嘅嘢基本上唔記得曬,淨係記得好緊張。緊張唔係因為怕考得差,而係好驚考聆聽壞收音機,或者寫寫下枝筆斷墨。所以話,工欲善其事必先利其器,係Carousell你可以搵到各式各樣嘅文具、收音機、計數機、筆記、past paper。溫書溫到悶? 上嚟Carousell睇下有咩零食啱食,買啲返屋企幫自己打下氣啦! 今次小編就幫大家揀咗啲產品,睇下幫唔幫到各位考生,為大家加加油!

 

收音機:

市面上有啲話自己係「聆聽考試專用收音機」,但係留意返考評局係冇指定嘅收音機型號架! 其實考生嘅收音機只要可以收聽FM電台廣播嘅耳筒式收音錄音機就okay,但係MP3機、iPod、手提電話都係唔用得。同埋收音機嘅體積不可以超過46厘米x 15厘米x 15厘米,各位考生記住啦!

 

文具:

小編當年考DSE最鐘意用某日本牌子,黑色筆身嘅原子筆,因為真係好好寫,但係有個問題就係佢好脆弱,一跌過落地就好易斷墨,所以有時反而用透明藍色筆身有蓋個隻最穩陣。不過筆呢樣嘢真係好講feel,所以都係上Carousell睇下邊隻啱自己啦!

 

計數機:

其實而家好多考生都係用Casio,其實仲有其他比較平但功能相若嘅計數機,例如Sharp。對於文科生或者淨係考core math嘅同學嚟講Casio可能會太多function太複雜,所以都可以考慮下揀啲簡單易用啲嘅型號。不過記住唔係所有計數機都可以帶入試場,買計數機一定要搵印咗H.K.E.A.A. APPROVED 或 H.K.E.A. APPROVED,如果唔係就唔可以帶入試場應考。

 

零食:

零食就唔洗多講啦,唔食嘢又邊有力溫書呢。不過食還食記得唔好食啲太油膩或者過期嘅嘢呀,唔舒服考唔到試就慘啦。另外記得要做運動,有時溫書溫到迷迷糊糊,去跑下步游下水,溫書嘅效率會大增㗎!

LEAVE A REPLY

Please enter your comment!
Please enter your name here