買二手車除咗睇外表、check engine，其實仲有好多學問！正所謂魔鬼藏在細節裡，Carousell今次請黎泰來車行東主負責人 Alan 教大家五招買二手車嘅驗車貼士！
當你同車主約定好睇車，第一時間就應該檢查行車證，包括出廠年份、登記年份、車牌號碼同埋牌費到期日。合約通常一定要寫埋車身號碼，行車證同埋車身都會有顯示，兩個號碼一定要完全相同。呢啲係驗車嘅重要資料千其唔好睇漏！
然後，當然要檢查車身狀況啦。記住要留意車身有冇明顯花痕同凹凸，或者有冇撞車嘅痕跡。如果唔係好熟汽車，建議大家同朋友或者屋企人一齊驗車，多個人多雙眼，咁就唔怕走漏眼啦。
除咗車身之外，檢查車軚都十分重要！驗車時應該睇下車軚嘅紋路同埋軚身寫上嘅年份，如果車軚太舊，自己換都要洗一筆錢架。
大家記住要檢查下兩邊車頭燈嘅光亮程度，睇下會唔會一邊較光一邊較暗。有時車主唔小心撞過其中一邊，換過燈之後會有鴛鴦燈嘅情況，一邊新一邊舊，呢個亦係睇出架車有冇出過意外嘅地方。
睇車之後如果決定要買，通常都會隔一兩日先會拎車。我哋建議買家應該影相為證，拎車時就可以做個對比，睇下會唔會出現新嘅花痕同問題，以免之後因為車身狀況而有爭論！
只要跟足呢五大貼士驗車，買二手車就唔會誤墮陷阱喇！Carousell每日都有二手車出帖，呢排有幾架十萬左右嘅Benz, Audi,Toyota，心動不如行動，睇啱心水車就去約車主驗車啦！
Mercedes-Benz:
Audi:
Toyota:
真兒戲，以前朋友教，一定要關窗，聽下engine運行是否暢順，踏幾腳空油，有無雜聲。