仲有幾日就父親節，未安排節目？不如跟住【父親節自駕遊懶人包】玩！冇車？咪租囉！趁著父親節租車載住爸爸周圍去，答謝佢一路以嚟嘅「父」出。
即睇5條熱門路線 + 租車泊車攻略：
↓↓↓↓↓↓↓↓↓↓↓↓↓↓↓↓↓↓↓↓↓↓
🔥路線2：火炭取車 > 科學園 > 蝶豆花園 > 大帽山 > 小白鷺
📍第一站：火炭取車
隨著沙中綫嘅開通，輕輕鬆鬆就去到沙田區，可以喺火炭租㗎靚車帶呀爸遊新界！即睇火炭精選租車公司 飛馳超跑香港 Flying Auto HK>>
📍第二站：科學園午餐
攞完車可以前往科學園午餐，園中設有多間餐廳。無論中餐、西餐、泰菜定韓國菜，坐室外定室內，呢度都可以滿足到父親大人嘅每個要求！
地址：香港白石角吐露港沿岸
泊車：科學園車位充裕，園區一共有三個停車場，提供超過一千五百個車位。如果駕駛電動車，可以去設有電動車充電站嘅第二期停車場 (P2)。
📍第三站：蝶豆花園
蝶豆花園係一個有機農莊，佔地五十萬平方呎，入場不需預約，適合有小朋友嘅一家大細過嚟享受親子時光。除咗有紫色夢幻風車及一片花海，仲有天空之鏡同七彩幸福橋。爸爸亦可以同仔女踩天鵝湖觀光船，仲可以同6隻澳洲小羊駝見面，喺園內度過一個療癒嘅下午。
（圖片來源：蝶豆花園Facebook專頁）
地址：新界大埔鳳園路8號蝶豆花園
泊車：蝶豆花園有大量車位，不需預約。
📍第四站：大帽山日落
大帽山一向係自駕必到勝地，既然租咗車，冇理由唔去嘅！由山腰閘口步行上山，約30分鐘就可以上到香港嘅第一高峰，遠眺維多利亞港、九龍同香港島嘅迷人景色，同時等睇日出日落！
地址：香港大帽山大帽山道
泊車：大帽山郊野公園入口嘅草地附近有一個廣闊嘅停車場。唔想行太多山路嘅，可以沿住停車場入口嘅登山路上去，到山腰閘口嘅停車位泊車。
📍第五站：大埔小白鷺晚餐
太陽落山後，可以出發前往大埔滘紅林路，到純白色歐陸風嘅小白鷺餐廳Billow請爸爸食餐好嘅。 餐廳設有戶外座位，同時亦有窗口位可以欣賞到白鷺湖景同夜景。
地址：大埔大埔滘紅林路2號白鷺湖互動中心地下B號舖
泊車：餐廳提供幾十個劃位車位俾食客免費泊車，車位先到先得。
