【告別Hard Sell!】影響消費慾嘅簡單心理學!

0
378
  1. 點解定價一定要係「9」字尾?

人人都知「$19,999」差1蚊就係2萬,咁簡單都有心理學?話你知!由於無論東方人定西方人嘅閱讀模式都係由左至右,而對人嘅大腦嘅影響程度都係由左至右咁順序遞減,最先睇到嘅會有較深印象,所以最印象深刻嘅會係「1」字,然到再到幾個「9」字,所以實則上明明只係差1蚊,但人嘅大腦都係會覺得「$19,999」比「$20,000」來得划算!

心理小tips:如果有幾樣產品俾客人揀嘅話,不妨試下將你嘅心水放喺客人嘅左手邊啦!放商品上Carousell時,記得唔好收埋最靚張相係去後面啦!

2. 上網購物都要可以有體驗區

宜家家俬有別於一般家俬鋪,客人總要穿過大大小小嘅體驗區,除咗要展示商品之外,最主要當客人行到入體驗區之後,就不自覺會產生投射效應,幻想下自己如果擁有呢樣產品可以點樣使用或佈置呢?心理不自覺地有一種假嘅「擁有感」,立即大大提升嘅客人想購買嘅慾望!

心理小tips:Carousell賣家可以透過新推出嘅「錄影產品」,利用30秒Video介紹產品嘅用途同特點,間接俾咗賣家一種體驗嘅虛擬感,從而聯想買後對自身嘅用處!

3. 何解產品喺出價形式會比平時搶手?

有冇曾經猶豫緊買一樣嘢,腦海會有把聲同你講:而家唔買遲下仲貴?呢個就係心理現象「稟賦效應」(Endowment effect),當消費者擔心如果今次無買呢樣產品之後,自己將要花更多嘅金錢去買返,甚至會買唔返。而拍賣、出價等形式更容易令買家出現「稟賦效應」,因為當一件產品限量嘅時候,「稟賦效應」更會加劇。呢個現常喺香港仲好常見!包括有通宵排隊買嘅演唱會飛、限定期間換購嘅紀念品同早排再唔買就驚冇嘅口罩!而係競投出價買嘢嘅形式之下,一但客人出咗出價就會有「稟賦效應」,因為係競投嘅同時會令佢地產生咗「假設我擁有呢件物品,我就可以咁用」嘅感覺,不自覺地就會願意比平時花費更多錢去買!

心理小tips:作為實體小商家,可以將商品由搬上Online,用出價形式放售,吸引更用買家出價!(即刻Click呢度了解新功能

  1.  網購都要講求「視覺享受」?

有研究指出,「視覺享受」係主要影響購買慾嘅重要因素,好多時消費者會喺1分半鐘內決定消費與否,所以網頁嘅美觀十分重要!而賣家仲可以透過分析消費者嘅使用習慣同喜好去設計網頁,例如買家品雜貨時消費者會較喜歡醒目、資訊性嘅設計,而購買衣服時會較喜歡簡約嘅設計等,賣家可以為自己個人品牌打造想要嘅形象㗎!

心理小tips:Carousell好貼心地推出咗兩個出色功能:封面照片透過banner宣傳公司同產品;「宣傳個人檔案」直接吸引客戶Click入店舖!

旋轉商店功能-封面照片
旋轉商店功能-封面照片
旋轉商店功能-宣傳個人檔案
旋轉商店功能-宣傳個人檔案
旋轉商店功能-宣傳個人檔案
旋轉商店功能-宣傳個人檔案

 

Copyright © June 2020 by Justina Lam

LEAVE A REPLY

Please enter your comment!
Please enter your name here