快速指南建立專屬「子彈筆記」

2
3670

唔知大家有冇成日凝住自己唔記得咗嘢,或者冇咗facebook提醒就唔記得朋友生日?現代人每日都有幾百件事喺腦海氹氹轉,想記嘢清清楚楚嘅話不妨試下「子彈筆記法」(Bullet Journaling)! 好多科學研究都指出,寫字記錄遠比用電子產品打字記低更有效幫助理解。

喺介紹點樣建立大家嘅專屬「子彈筆記」之前,以下係兩個小貼士教各位點樣管理「子彈筆記」:

  1. 簡單就是美:實用易睇最重要,唔洗為咗post相晝到鬼火咁靚架。
  2. 寫筆記係為咗記錄,唔好夾硬要本筆記完美無暇。

終於可以開始喇!材料好簡單:一支筆、一張紙!

小編本人就比較中意用原子筆寫子彈筆記嘅,因為冇咁容易花,而且睇上去企理啲。如果你中意用啲靚靚原子筆,又或者印有鼓勵金句嘅鉛筆,可以考慮以下嘅選擇架:

外國嘅BuJo狂粉(即係中意瘋狂寫Bullet Journal嘅朋友。冇錯,我見過,我真係見過!不如我哋可以考慮喺旋轉拍賣開番個BuJo 群組?),佢哋好多都係Leuchtturm1917筆記簿嘅忠實擁躉,不過我就選擇用屋企書枱本訂製筆記簿喇!

選擇筆記簿前,應該考慮以下兩點:

  1. 筆記簿大小:太大本唔方便攜帶,太細呢又唔夠位寫,記得要揀好size。
  2. 內頁設計筆記簿內頁有分普通線、正方格、點點同埋空白款式,我自己就中意用點點內頁喇,因為有間隔之餘又寫咩都得,唔會遮住。

子彈筆記內頁參考

子彈筆記嘅骨幹主要就係目錄、年記、月記同埋日記。當然啦,隨自己喜歡同需要,大家可以自由編寫,就好似年記咁,如果你覺得冇需要嘅話,可以刪減架。大家亦都要了解自己對時間嘅敏感度,設計出最適合自己嘅子彈筆記。

目錄 可以隨時更新嘅內容列表
年記 用作長期計劃嘅年曆
月記 每月常辦事項嘅清單
日記 每日回憶
珍藏 包含特定主題內容嘅一頁

目錄

重要事要講三次,目錄頁好有用、好有用、好有用!目錄頁可能幫大家將雜亂無章嘅內容整理好,一切一目了然。

對我嚟講,子彈筆記嘅好處之一就係有無限空間去自發寫嘢。我哋唔需要強逼自己連續寫特定嘅嘢,只要新嘅諗法,就可以隨時揭去下一個新頁開始寫!咁樣大家就唔洗成日估估下要留頁寫嘢,然後又因為預錯數而哂咗頁數喇!

每日慢慢累積,目錄頁好快就會填滿每頁嘅資料,指引你點樣搵番想睇嘅內頁。

年記

所謂年記,其實就只係年曆姐!設計年記可以有好多花神,而我就參考@blackinkjournal設計出一個迷你年曆喇。

月記

其實當我開始想整子彈筆記嘅時候,都有啲遲疑架,因為嗰陣已經係二月中喇!不過好彩我唔係完美主義者,決定照樣開始寫!俾個貼士大家,心動不如行動,無論係五月定十月,想寫就開始啦!

設計月記好簡單,只要一欄欄寫低月份嘅日數就得架喇。同一個星期嘅日子寫埋一齊,會更方便睇。

日記

如果同漢堡包去比喻子彈筆記,咁日記就一定係舊多汁厚肉喇!想令日記更實用,可以參考下呢幾個小貼士:

  1. 符號

子彈筆記嘅精萃就係愈簡愈好,大家可以參考下呢啲符號幫助整理雜項:

                                                                                                                                  
                                                                                                                                               
                                                                                                  

 

  1. 記低有意義嘅事

除咗寫低要完成嘅鎖事同活動,其實大家都可以試下記低啲有意義嘅經歷。小編自己就中意記低朝早起身喺腦海閃過嘅idea,又或者每日達成嘅小成就。

漢堡肉幾好食都要醬汁加持嘅!子彈筆記嘅點綴就係「珍藏」呢部份喇。我身邊有朋友中意用子彈筆記記錄習慣、網上購物訂單、每日心情之類。以下就係我中意記錄嘅嘢:

珍藏

珍藏」呢一頁係好隨心嘅,唔洗一早plan好要寫咩架!我之前成日左揭右揭本筆記想要搵番某啲書名,所以就萌生咗個念頭,開番個「心水好書」嘅珍藏頁。

子彈筆記就係咁易整咋!完結前俾多個小貼士大家:寫錯嘢嘅時候,唔好完美主義者上身又塗又改,直接刪咗佢寫過啦!記住子彈筆記嘅目的係記錄,唔係用嚟鑑賞!希望大家都會好快設計出最適合自己、最實用嘅子彈筆記,佢絕對可以改變你嘅生活!只要將日常事情好好記錄,下次想買禮物俾人就唔怕冇靈感啦!

 

SHARE
Previous article十大不可錯過電玩遊戲
Next article法國藥妝品牌大檢閱
Avatar
Love to scrap when inspiration come. Always be crazy over cute little things.

2 COMMENTS

LEAVE A REPLY

Please enter your comment!
Please enter your name here