Marvel呢個英雄電影系列轉眼間已經做咗超過10年，要重溫咁多部電影都真係有啲難度。唔想入場前一頭霧水嘅話，一齊重溫吓劇情佈局啦！
《美國隊長：復仇者先鋒》(2011)
主角自願參加軍方秘密實驗「超級士兵重生計劃」，被改造成「美國隊長」，想擊斃納粹恐怖組織「海德勒」，但最終墜機跌落冰川。「海德勒」將搶掠得來，收埋「空間寶石」嘅「宇宙魔方」掉落冰河。片尾神盾局局長費尼克招募「美國隊長」加盟「復仇者聯盟計劃」呢個超級英雄組織。
《復仇者聯盟》(2012)
邪神洛基喺宇宙霸王魁隆度拎左「心靈寶石」權杖，又操控科學家偷取「宇宙魔方」，製造宇宙蟲洞，帶領外星大軍侵略紐約。而鐵甲奇俠、美國隊長、雷神托爾、黑寡婦、鷹眼同變形俠醫就組成復仇者聯盟，合力對抗外星敵軍。片尾大奸角魁隆亦終於首度正式露面。
《雷神奇俠2：黑暗世界》 (2013)
雷神托爾想重整宇宙九界，但珍被乙太視為宿主而被強行附身。古老種族黑暗精靈想奪取神秘能源乙太，意圖將宇宙陷入黑暗之中，托爾只有同弟弟洛基聯手抗敵。最後洛基假死拎左皇位。剩餘嘅乙太存放喺收藏宇宙稀有物品嘅 The Collector 手中，而乙太就係其中一粒 Infinity Stones：現實之石。
Marvel英雄個個都經過精心設計，有型有款，連figure都大有收藏價值！Carousell有大量Marvel figure任你選購！
《銀河守護隊》(2014)
星爵因偷去力量寶石被追殺，與魔娜、達拉斯、浣熊火箭同樹人拉雜成軍組成「銀河守護隊」，對抗魁隆，仲利用寶石力量將羅南粉身碎骨。片尾樹人復活，化身為可愛小樹人，而星爵最後將寶石交俾「新星軍團」看管。
《復仇者聯盟 2：奧創紀元》 (2015)
東尼和班納創造出人工智能機械人惡魔「奧創」，但佢竟然策劃毀滅全人類嘅計劃。鐵甲奇俠、美國隊長、雷神奇俠、變形俠醫、黑寡婦、鷹眼，再度聯手對付奧創，之後仲新加入左紅女巫同閃銀，又用「心靈寶石」同卓維合組成「幻視」。片尾大奸角魁隆再度現身，戴上無限手套，聲言要親自出馬拎番「無限寶石」。
絶版 Marvel legends Toybiz The Beast >>
《美國隊長 3：英雄內戰》(2016)
美國隊長同鐵甲奇俠因《蘇科維亞協定》法案而態度對立，各自組陣營對抗，Tony 得知寒冬戰士係殺佢父母的兇手，美國隊長解釋寒冬戰士只係受洗腦影響先咁做，Tony 難忍怒火與美國隊長大戰，大戰後，兩敗俱傷，Tony Stark 更加收回美國隊長嘅盾。 最後美國隊長就放低盾及帶埋寒冬戰士離開，之後黑豹出手協助，寒冬戰士自願再急凍，而黑豹亦容許美國隊長匿埋係瓦干達。
鐵甲奇俠 Mark IV 4 1:6 合金 Die Cast figure >>
War Machine 2.0 diecast figure >>
《奇異博士》 (2016)
神經外科醫生史傳奇因車禍令雙手嚴重受創，無數次醫治都醫唔好，於是前往秘境求醫，經過古一大師指導，激發出身體內潛藏嘅超能力，可以操控時間同穿梭空間。最後蘊藏「時間寶石」嘅阿迦莫多之眼拯救咗世界。片尾雷神再次來到地球，同奇異博士會面，講到要對付弟弟洛基同搵番失蹤父親奧丁，而莫度變成奸角，誓要向奇異博士報仇。
《雷神奇俠3：諸神黃昏》 (2017)
死亡女神海娜摧毀雷神嘅神鎚，意圖發動聖域界最大戰爭，雷神同昔日戰友變形俠醫重逢，聯同洛基同女武神瓦爾基里對付海娜。洛基偷走藏有「空間寶石」嘅「宇宙魔方」。片尾見到雷神、洛基兩兄弟落難逃番地球途中，遇上魁隆指揮嘅太空船。
《黑豹》 (2018)
「黑豹」鐵查拉父王身亡，所以趕番去神秘帝國瓦干達繼承王位，但俾「人命買家」奪位。經過一番打鬥後，人命買家投降，自盡保自由之身。片尾身在瓦干達的寒冬戰士露面，似乎已經好番。
