父親節又嚟啦！爸爸一生為家庭出錢又出力，有咩事都係爸爸為家庭遮風擋雨，做你嘅最強後盾。雖然爸爸可能平時唔多出聲，又唔會要求你送咩禮物，但係趁着父親節，各位仔仔女女梗係要好好咁孝順下爸爸，揀啲佢鍾意嘅禮物氹佢開心啦！
↓↓↓↓↓↓↓↓↓↓↓↓↓↓↓↓↓↓↓↓↓↓
- 名牌靚銀包
買啲單價比較高嘅產品俾爸爸就最好㗎啦，例如係唔同牌子嘅名牌銀包、散子包或者卡片套。除咗實用之外，名牌產品普遍都比較襟用。爸爸通常好少會無啦啦轉銀包，通常一樣嘢都可以用起碼五至十年，仲要係乖仔乖女送嘅，用廿年都制呀！
2. 音響器材
通常男人去到爸爸級嘅年紀都會對音響情有獨鍾，對聽覺嘅享受要求較高！身為仔女嘅我哋雖然未必買得起一啲高級音響例如係Hi-Fi。但係心意搭夠，其實有啲音響器材都可能適合爸爸㗎，例如係輕便嘅藍牙喇叭、電視機適用嘅Sound bar、或者其他音響配件，都可以考慮吓㗎！
3. 按摩器材
唔好以為淨係有運動習慣嘅爸爸先適用啊，其實肌肉按摩槍嘅功能除咗係用嚟舒緩運動後嘅肌肉痛楚之外，對於一啲因為工作需要而長期坐或企，又或者身體某啲部份有長期痛楚嘅人士，都有助舒緩痛症㗎。好多爸爸都係屋企嘅經濟支柱，所以好多時都需要長期工作，按摩器材就有助佢哋舒緩日常生活嘅疲倦。相比起按摩椅呢一類比較貴嘅按摩器材，按摩槍都係係一個性價同靈活性都較高嘅選擇嚟㗎！
4. 男士理髮服務
貪靚嘅爸爸通常都好注重自己嘅髮型，揀返個啱嘅髮型師俾爸爸恤個靚髮！想行一個成熟穩重嘅Barber style又得，想將爸爸變成Mirror邊個成員都得，即刻返老還童二十年！部份Barber shop更設有鬍鬚修剪及造型服務，由頭頂到下巴一次過搞掂，型晒！如果爸爸有脫髮危機，可以推薦佢去Head Spa，可以放鬆下心情，又保養都頭皮，一舉兩得！
5. 剃鬍用品
平時剃鬚唔習慣靠人地嘅話，不妨幫爸爸換一個新嘅鬚刨。鬚刨係一樣對男士來講非常實用嘅產品，除咗每日都會用之外，亦都係一樣價錢相對上相宜嘅禮物首選。溫馨提示：想鬚刨用耐啲，記得要定期清除刀頭上嘅碎屑，同埋定期更換刀頭，咁先可延長鬚刨壽命㗎！
6. DIY心意小手作
其實爸爸唔會期望仔女送啲好名貴或貴重嘅禮物，好簡單嘅DIY手作，或者係一個小手工，已經可以令到爸爸好窩心㗎啦！仲會令爸爸諗返起以前仔女仲係細個嘅時候，最鍾意就係整呢一類嘅小手工氹佢開心！有紀念價值得來又窩心！
想睇更多？準備好入手一份滿分禮物？
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
