【年尾購物旺季】網購點防中伏?

0
194

話咁快就12月啦,2020年不知不覺間已經接近尾聲。唔少網站都搞緊年尾大減價,辛苦工作咗成年,當然要買禮物獎勵吓自己!雖然網購非常方便,但其實都有唔少伏位,想買得開心就記得留意以下貼士啦!

秘訣1:清楚了解商品

相信大家都唔鐘意行街個陣比售貨員跟出跟入,網上購物嘅好處就可以自由瀏覽商品,睇幾耐同買咩都由你話事!不過,無法實際觸摸產品始終有風險,好多時都係收貨先發現同想像中唔同!唔想比完錢先覺得唔滿意,購買以下類別產品時記得特別留意幾點:

服裝類唔同牌子嘅衫尺碼可以好大分別,例如歐洲牌子一般偏大。所以買衫前記得睇清楚尺碼表,最好叫買家提供實際尺寸,再自己用軟尺度身,睇吓係咪啱着。

美容產品類如果你屬於敏感肌,購買護膚品同化妝品時就要特別小心,預先上網搜尋產品嘅化學成份。唔少公司都會趁減價清走舊存貨,所以購買前記得檢查過期日子!

電器類使用電器最重要就係安全,所以最好都係買返有知名度嘅品牌。購買冒牌貨除咗質量冇保證,更有可能損害你屋企嘅電路系統,如果賣家能夠提供收據同保養就最好啦!

提示2:做足資料蒐集

購買貴價產品之前記得做足功課,可以上網搵資料,例如了解產品功能、新舊版本嘅分別、保養方法等。你亦可以參考網上討論區評價,了解真實買家嘅意見同用後感。不過,最好嘅方法當然係直接向賣家問清楚啦!就好似你係實體店向店員查詢咁,用 Carousell chat 功能同賣家展開對話,即時溝通!

提示3:支持本地企業

受到疫情影響,唔少本地商店嘅生意都受到打擊。本地企業一直關心同服務社區,所以我哋更應該保護呢類小店,幫佢地渡過難過,發揮香港人嘅獅子山精神!Carousell 有大量由本地用家放出嘅產品,好多都近乎全新!除咗可以分享資訊同互相支持,仲可以減少製造廢物!

提示4:可持續購物

香港每年棄置於本港堆填區嘅固體廢物總量高達587萬公噸,數字仲有上升趨勢。正所謂愛護地球人人有責,不妨嘗試修理或翻新有故障或損壞的物品,或者喺回收站或社區中心尋找回收物品,減少地球資源浪費。購物前諗清楚自己係需要定想要,可以考慮購買二手服裝、電子產品或家用電器代替。

提示5:留意價格變動

搵到想買嘅產品後,可以先放入購物車考慮一段時間,咁樣可以避免衝動購物,又唔駛硬食炒價!唔少網站不時推出優惠或者折扣券,等到有折先入手可以慳更多。如果你唔想等,用 Carousell 就可以享有全年最優惠價格,大部份產品都低於零售價。記得用埋「like」功能,咁樣產品減價時就會即刻收到通知!

提示6:賣出唔滿意嘅產品

如果你係網購常客,應該試過買到唔適合嘅產品,雖然無用但又唔捨得扔。與其放埋一邊,不如用 Carousell 賣出產品,可以賺返筆錢又減少浪費。雖然產品唔符合你期望,但可能有好多人搵緊。賣出產品後就可以騰出更多空位繼續shopping!

相信你已經準備好迎接12月呢個購物旺季,希望大家都滿載而歸!

LEAVE A REPLY

Please enter your comment!
Please enter your name here