法國藥妝品牌大檢閱

0
8134

講到扮靚,當然不得不提美容大國──法國!法國無論係化妝品同護膚品都遠近馳名,不過唔好以為佢哋淨係得高價奢華嘢呀,其實大部分法國人都係去藥房買本地藥妝品牌嘅護膚品架咋,又平又好用,絕對係必買之選!小編曾經留學法國,成日都去藥房發掘好物,仲愛上咗兩個法國有名品牌:Avène 同埋 La Roche-Posay!今次就同大家介紹下我用過嘅產品啦!

Avène呢個牌子主打抗敏,好適合皮膚幼嫩嘅朋友使用,以下係小編用過嘅產品,用後感絕對真實:

  1. 抗敏活泉水

呢支傳奇活泉水堪稱每3秒賣出一支,小編好奇都買過嚟試。坦白講,論保濕佢嘅功效一定唔夠爽膚水。不過辦公室開大冷氣十分乾燥,買番支放喺枱頭就好適合喇,得閒噴一噴,補水之餘又醒神。如果皮膚有泛紅問題,用佢濕敷急救都有即時效果!

上Carousell買50ml裝都只係$30,放喺手袋旁身就啱哂。  立即購買>>

 


2. 清爽潔膚啫喱

呢支潔膚啫喱係小編長期回購嘅洗面產品,一年365日都係用佢!佢清潔力十分足夠,但係就一啲都唔乾,洗完面絕對唔會有好崩緊嘅感覺。而且佢容量都算幾多,一支都可以用起碼3個月,係必試產品!


3. 長效鎖水保濕精華

呢支保濕精華同樣十分推介,只要用一揼就夠搽哂全面,而且極快吸收,搽完一啲都唔笠,皮膚仲會好軟熟。如果你同我一樣都係後生女,唔需要好多功能嘅精華,呢支保濕精華簡簡單單就啱哂喇。

4. 高效保濕水漾乳霜

香港天氣咁潮濕,特別而家夏天,搽乜都覺得痴笠笠,我自己都會因為咁而唔想搽面。不過呢款保濕乳霜係gel狀,好水好好推,同樣好易吸收,即時就會感覺皮膚保濕咗,而唔係油笠笠,係我夏天最愛嘅面霜!


5. 保濕面膜

呢隻面膜係我隔日就會使用嘅產品,本人覺得佢唔算特別滋潤,保濕功效亦唔係話好持久,不過降紅抗敏嘅功效就十分出色,如果皮膚經常唔穩定,只要敷佢15分鐘就會見到皮膚鎮靜咗,平時化妝前想打底的話,敷完都會貼妝啲。

呢款面膜官方售價$240,而家喺Carousell $140就買到喇,差唔多係半價! 立即購入>>

比較Avène價格>>

La Roche-Posay同Avène十分相似,同樣主打抗敏,不含色素、酒精同埋Paraben類防腐劑,深受濕疹人士歡迎。小編嘅推介如下:

1. 抗敏舒緩潔面乳

上面推介嘅係我每晚使用嘅洗面產品,朝早嘅話我就會用更溫和嘅潔面乳。呢支潔面乳可以溫和洗走臉上油脂,而且感覺仲好保濕。如果你係乾性皮膚,面上甚少出油,可以試下呢支,價錢親民,而且大大支有排用!

呢支潔面乳市面上200ml賣緊$240,喺Carousell加$50就買到400ml裝,足足多一倍! 立即購入>>

2. 抗敏舒緩爽膚水

呢支爽膚水係我用過較保濕嘅一支,平時用化妝棉抹面亦都抹到黃黃地嘅污糟嘢出嚟,功效中上。我中意佢嘅主要原因係佢無香味、酒精同埋有害防腐劑,適合我嘅敏感皮膚。


3. B5萬用修復霜

呢支B5萬用霜好多人都推介,絕對係實至名歸,事關無論係爆擦、泛紅、暗瘡定係濕疹,搽佢就好快冇事,即時有修復同舒緩功效。所以呢支B5霜長期都喺我屋企看門口,皮膚一出事就會搵佢急救,而家去Carousell只係$60就入到手,比專門店平1/3有多。 立即購入>>

4. 抗敏全效修護面霜

如果你係極敏感,甚至係濕疹性皮膚,呢支面霜一定幫到你,因為佢係真空揼裝設計,減少同空氣接觸,確保衛生。而且佢好滋潤,一樣有退紅抗敏作用,係小編嘅秋冬最愛面霜。


5. 清爽高效隔離乳

因為皮膚敏感嘅關係,好多重酒精嘅防曬都會令我嘅皮膚好乾,有時又會出敏感粒。呢款防曬乳液好薄好好推,防曬度數亦啱日常使用,所以一直都冇轉用其他牌子。

比較La Roche-Posay價格>>

希望我嘅推介會幫到大家,下次再介紹更多好物俾各位!

LEAVE A REPLY

Please enter your comment!
Please enter your name here