香港嘅春夏季節出名潮濕，濕度有成90幾度，唔單止啲衫難乾，連皮袋都好易發霉！如果想好好保養皮袋，咁就要學識以下5招喇！
1.存放通風位置
皮袋最好存放喺通風嘅地方，例如買個掛架掛起佢，千其唔好因為唔常用就放入衣櫃或者膠盒，如果真係要放入唔透氣嘅地方，咁就要放啲樟腦丸同防潮珠喺旁邊，但千其唔好接觸到皮革表面。
2.防水噴霧
如果皮袋係新買，想好好愛錫佢，咁就可以喺表面噴上約3層防水噴霧，咁可以令保護效果更佳。如果個手袋經常都用的話，最好就2至3星期噴一次，甚至乎如果出門前見到落雨，都可以預先噴上一層，咁就可以確保手袋夠哂防水喇。Carousell就買到，好方便！
3.皮革清潔劑
皮袋之所以會發霉，主要係因為皮革表面嘅防霉塗層失去功效，加上天氣潮濕會加速皮袋發霉，令霉菌喺皮革上繁殖蔓延。萬一皮袋真係發霉，可以擠出少量皮革清潔劑喺白布上面，再以打圈方式喺皮袋上輕輕抹，直至抹去霉漬。上Carousell就買到皮革清潔劑喇！
4.消毒濕紙巾
如果皮袋嘅發霉情況唔太嚴重，咁可以選擇用有殺菌功效嘅消毒濕紙巾慢慢抹走霉漬，然後風乾皮袋，之後先放入塵袋收納入櫃。
5.漂白水
萬一發霉情況好嚴重，咁大家可以試試以 1:20比例稀釋漂白水，再用棉布沾上稀釋漂白水，喺皮袋上打圈除去霉菌。之後，用風筒或風扇吹乾皮袋表面，但千其唔好用熱風，否則皮革好易出現乾裂。
用完以上清潔步驟後最好就為皮袋搽上皮膏，滋潤番皮革表面。大家可以擠少少皮膏落棉布，以打圈方式拭擦手袋，保持皮革光澤。如果有啲皮袋嘅接摺位或車線位特別乾燥，就可以分幾次塗上皮膏，千其唔好一次過落太多皮膏，或者直將皮膏擠落皮革表面，咁樣會好易造成一忽忽深色嘅漬架！
如果想買哂成set保養套裝，Carousell都有得買！
