疫情來襲，大家都被迫留喺屋企抗疫，對好多人嚟講都係個大災難。但無論情況係點，我哋都應該時刻保持健康心態，積極應對挑戰，將佢轉化成機會。正所謂「塞翁失馬，焉知非福」，如果你能夠把握呢段時間好好充值自己，分分鐘會為你帶嚟意想不到嘅影響！一齊學習點樣喺逆境中將壞處變成好處啦！
1.保持收入增長
唔少打工仔疫情期間都收入大跌甚至失業，唔想經濟負擔越黎越大，真係要搵其他途徑幫補吓！好似 Winnie (@qqworkshop) 咁，佢勇於學習新事物同網上買賣，抗疫期間賣出多個人手製作嘅布口罩。你都可以嘗試用 Carousell 做小生意，或者出售唔需要嘅物品，雖然每單交易金額未必好大，但都可以為你提供額外收入！
2. 發掘新興趣
受到疫情限制，暫時冇得去旅行周圍飛，唯有留喺本地搞搞新意思。其實香港都有好多不為人知嘅地方同小眾活動，不妨發掘一吓，話唔定可以搵到新興趣！好似藝人黃美棋就培養咗水肺潛水 (Scuba Diving) 呢個新興趣啦。佢仲成功喺 Carousell 搵到個價錢超值、全新兼有牌子嘅潛水鏡添！只要你勇敢嘗試新事物，你都可以搵到自己嘅熱愛。
3. 自我增值
疫情之下多咗大量時間，你會選擇充實咁過，定係hea吓又一日？其實額外時間就相等於額外機會，應該把握呢段黃金時間增長自己知識。你可以學習一個新技能，又或者接觸其他國家語言。現今資訊科技發達，其實網上有大量資訊比我地吸收，甚至有 online course 係完全免費添，可以話自學冇難度，唔好再俾藉口自己偷懶啦！
4. 陪伴心愛嘅人
雖然限聚令底下冇得出街見朋友，但呢個正正係留喺屋企陪伴家人嘅好時機。平時經常忽略咗至親，就襯呢段日子好好同佢哋相處啦。唔好以為留喺屋企好悶，其實家庭樂都可以好有樂趣，不妨試吓一齊煮飯仔同打遊戲機，都係增進感情嘅好選擇，共享天倫之樂。Click 呢度 睇更多一家大細娛樂！
5. 開展網站
疫情下，好多零售商店被迫關門，網上銷售因而蓬勃發展，唔少商家都喺Carousell開設咗佢哋嘅 Caroubiz 網上店舖。除咗購物，學習同工作之類都轉成網上模式，相信呢個趨勢喺疫情過去之後仲會持續，甚至成為將來嘅主要經濟同溝通模式。唔想與時代脫節，你可以去 Carousell 開設你嘅個人網站，唔洗成本又可以曝光畀每日超過30萬活躍用戶！
6. 將心比心，幫助受影響嘅人
假如你生活其實唔太受疫情影響，恭喜你係屬於幸運嘅一群。正所謂「施比受更為有福」，如果有能力嘅話，不妨將屋企嘅物品放上 Carousell 轉贈比人。你眼中無用嘅廢物，可能對下一位用家嚟講有極大價值！喺17 – 23/8，參與「舊物重新，免費贈送」活動，刊登任何產品並標示為免費，即有機會贏$500 超市現金券，幫到人又幫到自己！按此參加
生命總係充滿挑戰，只要我哋把握每個機會，轉危為機，一定可以喺逆境中掙扎求存。心態決定一切，希望大家可以 #makingthebest，一齊繼續加油！
