政府早前加辣防疫措施，包括推出二人限聚令，並呼籲企業容許員工留喺屋企工作。有專家預計新冠肺炎疫情可能會持續到 2022 年，睇嚟呢個 Work from Home 模式應該仲要維持一段長時間。好多打工仔都同意在家工作效率會比公司低，仲未適應 home office 嘅你，不如參考以下小貼士，升級你嘅 WFH 設備啦！
《入門篇》
1. 保持工作環境整潔企理
有冇試過開開吓會突然搵唔到老細要嗰份文件？一個整潔嘅工作空間真係好重要，無論你係要開網上會議定打文件，都需要一個寧靜又舒適嘅環境。尤其 home office 會特別容易將你嘅工作及個人物品撈埋，所以有組織嘅工作空間可以幫你慳大量時間！唔想做到一半先嚟搵所需物品，就記得要定時清理工作枱，咁樣做起嘢先會更得心應手！
Click 呢度睇電腦枱
2. 飲水，坐直！
坐姿唔正確係普遍都市人嘅弊病，自從在家工作後，好多人嘅姿勢都變得更加差（包括小編我），長遠黎講係會導致頸部或背部疼痛架！所以，建議你搵一張適合嘅工作枱同電腦櫈，根據行業標準，辦公枱嘅理想高度大約係由地板到工作表面嘅 73.5 厘米。不妨投資一張可調節高度嘅辦公枱，令手踭離辦公枱可以呈自然嘅 90度 咁擺放。當然，唔好唔記得定期補充水份，飲多兩杯水！
《進階篇》
1. 選擇適合嘅電腦顯示器
如果你發現你電腦螢幕上嘅畫面有啲模糊，咁就代表係時候要更換電腦顯示器啦！適合嘅顯示器可以為你提供清晰畫面，仲可以有更大視窗，減輕你眼睛同頸部嘅壓力，大大咁提高工作舒適度。記得盡量將眼睛同電腦螢幕保持同一水平，避免長期斜視屏幕。如果你未有預算更換屏幕，電腦支架一樣幫到你！
2. 升級麥克風及耳機
相信好多人都試過開開吓會比阿媽叫去執屋或者飲湯… 唔想重要會議被人打攪，可以選用外接麥克風，避免背景嘅雜音。連接麥克風嘅頭戴式耳機都係個好選擇，可以幫你阻擋外來聲音。
3. Wi-Fi 增強器
唔知點解 Wi-Fi 總係好鐘意喺開緊會或趕 deadlind 嗰陣先無啦啦失靈，打亂晒成盤工作計畫。穩定嘅無線網絡真係非常重要，Wi-Fi 增強器雖然未必保證你嘅電腦快速連接網絡，但可以確保你嘅Wi-Fi 足夠穩定，可以應付你嘅工作需求。
Click 呢度睇更多WFH必備電子配件，或者 click 以下圖片～
《額外篇》
1. 呼吸新鮮空氣
專家表示吸入清新空氣同良好氣味可以令人感官清晰，所以要保持空氣流通，令工作環境更和平寧靜。你亦可以揀啲唔需要特別照料嘅植物放喺枱頭，例如白鶴芊同仙人掌，幫你淨化空氣同改善心情。香精油同擴散器都有提神醒腦嘅功效，可以減低眼花撩亂及壓力水平。
2. 裝飾小擺設
將一啲你鍾意嘅小物品裝飾係枱面，例如相架、手繪插圖、朋友送嘅禮物等等。用自己鍾意嘅事物包圍自己，會令你感覺更加良好，工作效率都自然提高。
跟住以上實用嘅小貼士，你就可以輕鬆完成在家工作嘅佈置啦！祝願大家會逐漸搵到 work from home 嘅樂趣，工作一切順利！
