Carousell喺4月24日舉行咗個DIY香薰蠟燭Workshop，一齊學整又香又實用嘅香薰蠟燭！平時喺客廳擺放香薰蠟燭，會散發柔和香氣，唔刺激之餘仲有紓緩壓力同淨化空氣嘅作用！臨瞓前點吓香薰蠟燭仲可以安神催眠㖭！一齊睇下活動當日嘅花絮啦！
當日參加workshop嘅用戶仲有唔少有趣故事分享添！Jeffrey (用戶@jh1221jen) 係個中古／絕版日本產品賣家，平時會親自去日本搜羅寶物喺Carousell出售。佢嘅產品有大量日本中古潮著、日本80、90年代珍貴電話儲值紀念卡等等！全部獨一無二，好有收藏價值。佢話成日都會遇到好多有心人買家，試過有個買家約過幾次交收都約唔岩時間，最後過左一個半月之後先成功交收，但客人都好有耐性好堅持要買到心頭好。佢仲話試過一日內收到過百個查詢，證明佢嘅產品幾受歡迎！而大部分人都係晚上10-12點同臨訓前先會message Jeffrey，睇黎好多上班族都鍾意上Carousell買野啵！
如果你都係中日懷舊粉，不妨按此睇下Jeffrey嘅account啦！
而另一個Carouseller Haley (用戶@travelsimcard) 就係專賣外地旅行用sim card同旅遊用品，係好多用戶嘅旅行好幫手！佢話賣旅遊Sim card 好多返頭客，因為香港人耐唔耐就去旅行！最難忘係有一次有台灣客人買嘢，之後客人第二次幫襯嘅時候，居然送埋台灣手信俾Haley！呢種窩心真係唔係喺街買野遇到架！Haley仲話每星期會收到超過600個訊息，仲要大部分都係星期一二早上，唔知係咪因為大家Monday Blue，所以返工上網睇野買呢？香港人果然係旅遊達人呀！下次去旅行記得早啲做好準備，上網搵Haley買定數據卡喇，如果唔係到步先買分分鐘貴成倍價錢！
Carousell會定期舉辦聚會同event，希望下次活動都會見到大家啦！