《Carouselland賣走塵封回憶》舊物市集已經係4月28，29號舉行。今次市集Carousell好開心可以聯同Dusty Kid，同大家一齊賣走你塵封的回憶! 究竟Carouselland同一般的市集有咩分別呢? 我地一齊嚟睇下當日有啲咩賣啦!
小編一入去就見到好大個Carousell嘅字，即刻進入狀態尋找自己的心頭好啦!
當日有不同的攤檔，包括男女裝、化粧品、飾物、玩具同手作，而且仲有免費的棉花糖派，同埋有好多好instagramable嘅道具畀大家影相，呃like一流。無論係大人定小朋友都一樣行得咁開心!
除此之外，小編估唔到竟然可以搵返無見幾十年嘅Gameboy帶，好彩當年部Gameboy仲係到，即刻買返小時候最愛的牧場物語同Mario Kart返屋企先。唔只呀，再行前啲係一個買瓷器的攤檔，雖然小編唔係成日用得著，但係咁靚都忍唔住買左一套返去畀媽咪，做母親節禮物嘛。(話時話如果你仲未諗到買咩畀媽咪嘅，不妨睇下呢篇文攞啲靈感呀!)
當然亦都唔少得好多好靚嘅衫啦! 呢排熱返咁多，都係時候轉季，所以現場一系列的攤檔就啱晒啦，點都會搵到你嘅style，而且除咗二手衫，好多本土設計的tshrit同袋都有得賣，小編見到啲女仔簡直好似唔使錢咁掃。
嚟到最後梗係唔少得我地嘅拍檔Dusty Kid啦，有免費貼紙可以攞之外，仲有好多Dusty Kid嘅精品賣，咁可愛又點可以唔去探下佢呢?
買嘢買到攰，或者女朋友走咗去買化粧品好悶? 唔怕，我地當日都有幾個workshop畀大家一展身手，有DIY萬用膏、潤唇膏同磨砂玻璃樽，大家玩之餘仲可以帶製成品返屋企，話唔定學識咗點整之後，可以遲啲放上Carousell到賣呢?
錯過咗Carouselland亦都唔緊要，呢到有有份參加的攤檔係Carousell上面的Account，所以如果對任何產品有興趣，都可以上去買㗎! 希望下年又可以再見到大家啦!
「執__ __ 」 由兩名鍾意四圍捐窿捐罅，每次出街誓要買野，行到腳跛都不願回家，熱愛懷舊事物，最愛古著味的女孩成立。 實行去到邊買到邊，不停搜羅不同國家地方懷舊事物，總之我們覺得有feel就會賣。 「
2. carousell.com/happytrading2017
主要出售Matchbox Jurassic World、Tomica 玩具車。因為女兒嘅誕生，店主媽媽決定將爸爸嘅車仔賣出去，變成女兒嘅成長基金！最難忘係賣出第一架車仔，爸爸果種依依不捨嘅感覺。
3. carousell.com/thundertoymarket
主售中古及全新懷舊玩具。最深刻嘅懷舊玩具係換衫公仔紙，細過好鍾意玩，但當時冇錢買公仔，就唯有玩紙做，大過先發現原來依代人都唔識玩，好想將以前嘅玩具帶比新一代。
由於店主主力賣90-00年代嘅物品GAMEBOY同遊戲帶，買嘢嘅人都係為咗回憶舊時打機嘅感覺。所以都識落一啲朋友，每當尋到寶都會同大家分享。難忘有啲客人交收時嘅物品笑容，係可以買回過去嘅回憶嘅感動。
主要出售日本玩具、毛公仔。最難忘係買家睇中店主賣嘅飾品，以驚訝嘅口吻問用咩價錢可以買，再追問之下原來依件物品係佢去世嘅媽媽最愛嘅物品，但一直都搵唔到，佢買左之後，立即到佢媽媽嘅墳前送上物品，令佢可以放下一個心口大石。
- hk.carousell.com/hongkongmaskingtape
香港的一個原創單位，有設計原創紙膠帶,希望用紙膠帶宣傳香港的文化。另外,也用了不同的風格來設計，希望能在設計中帶一點歡樂給喜歡收藏紙膠帶的你。 - hk.carousell.com/somethoughts
十年·拾念
懷舊無非是喜歡上那些經時間沈澱的美好
可能是某首歌/可能是某部電影/可能是某件器物
我們追不回那段時光，但至少可以借助一件舊物
拾一片念想，為生活加一點溫暖和閒適，若能讓大家在這裏選中心頭好，也是緣份一場，真好。 - hk.carousell.com/hmhhk
HMH HK 皮革手作 一個手繪女生 + 一個工藝男生 = 典型上班族 ,誓不成咸魚, 為了那個夢, 那個可能的可能, 每天在家中默默密密創作 - hk.carousell.com/lifesoaplife
Simple, economy, deserving.
平實簡單、經濟實惠地體驗手工皂 - hk.carousell.com/hereitbegins
925純銀首飾，配上閃爍的鋯鑽及珍珠，讓你在不同場合也可散發動人氣色。 - hk.carousell.com/nggcallwtstore
唔知叫咩好士多，主打環保upcycle同自家設計八哥頹頹、柴犬寬寬文具、飾物。 - carousell.com/soapflowersland
每束花都係店主精心設計同製作，無論係送比父母或情人都好品，仲可以擺放3-4年以上。 - hk.carousell.com/bubblesfamily
愛自己、愛家人、愛生活、愛天然，天然冷製手工皂，純手工製作 ，不添加介面活性劑、起泡劑、 防腐劑等化學物質。