Carousell喺八月同九月都舉辦咗好多活動，主題仲好多元化，滿足到唔同人嘅喜好，唔知大家有冇參與呢？不如而家就一齊回顧吓呢啲精彩時刻啦！
1. LOCOLOCO × Carousell 古物時刻市集
古物時刻市集由8月17至21日喺九龍灣淘大商場舉行，售賣 20位Carousell 二手賣家同本地手作人嘅作品！參加者展示咗 Carousell App之後，仲換到限量版Totebag、精美玻璃水樽，同USB手提風扇𠻹！
活動當日嘅檔主有 ：
佢哋本著「古著新穿」嘅概念，為一眾同好搜羅多元化、高品質嘅古著，務求喺速食時裝風氣中注入力久不衰嘅潮流。
佢哋主打古着販賣 · 回收 · 再利用，提倡慢活同簡單嘅生活態度，徹底實踐「斷捨離」概念。
賣家出售多元化產品，有購自東京、紐約嘅潮牌，泰國直送嘅比堅尼，仲有公仔同太陽眼鏡等等。大部分產品都係全新或者只著過幾次，價值相宜。
賣家係玩具精品收藏家，售賣不同款式嘅扭蛋食玩、擺件、吊飾、精品、玩具同埋卡通人物產品，有好多仲係經典懷舊款式，絕哂版，好有收藏價值。
2. 賞想文創節
8月25至26日，Carousell參與咗位於中環海濱活動空間嘅賞想文創節，舉辦咗免費DIY Totebag同埋刻名水樽嘅創意工作坊，參加者可以製作獨一無二嘅專屬作品，盡情散發個人特色。當日Carousell賣家@onlyoneworkshop提供專業鐳射激光刻字，幫大家將靚名刻上水樽。佢地售賣各種訂製產品，無論係手機殼、餐具定係乳齒盒，都可以刻上名字同圖案，增添紀念價值，別具意義。
3. Carousell x 電腦節
Carousell由8月24至27日，一連4日喺香港電腦通訊節設攤位，喺現場派禮品，即場下載嘅新用戶仲可以玩轉轉幸運輪。活動當日人頭湧湧，參加者都抽獎抽得好興奮，連Youtuber屎箂姆都黎咗支持我哋呀！
4. Comic World HK @九龍灣國際展貿中心
8月26號，Carousell喺Comic World HK活動現場派禮品同抽獎，令各位動漫迷盡興而歸，又有漫畫睇又有禮物拎。身為動漫迷嘅你，如果想擁有自己心愛動漫主角嘅產品，不妨去睇下@a_japan_house。佢哋出售日系自家設計T-shirt，圖案精美，仲有大量海賊王同火影忍者產品。除咗動漫，佢哋仲由日本直送柴犬坐墊同收納袋，超級可愛！
5. 「噢賣乜都得！」大贈送
Carousell喺8月舉辦咗「噢賣乜都得！」大贈送，參加者只需影低任何想賣嘅產品， 然後將照片上載到Facebook或Instagram，頭1,000位幸運兒就獲得 Carousell福袋！參加者仲可以喺描述寫埋所賣物品嘅背後故事，被選為最有Heart嘅仲可贏取 iPhone X ！呢次活動嘅勝出者就係@oioioo。佢嘅故事非常感人，oioioo有個為佢無私付出嘅爸爸，即使家境唔富裕，寧願自己節衣縮食，都要大灑金錢俾錢佢學鋼琴、買結他。雖然最後oioioo冇再繼續呢兩個興趣，但佢爸爸唔單止冇責怪佢，反而仲好包容佢。為咗報答親恩，oioioo決定出售結他，亦參加呢次大贈送，希望可以送一部iPhone X俾無私嘅爸爸，感謝佢嘅關愛。結果oioioo真係願望成真，氹到爸爸開心喇，Carousell都為佢感到高興！
6. Carousell群組聚會
a.「化妝護膚品集中地」群組聚會
9月13號，Carousell邀請咗一眾群組成員，一齊食晚餐、傾吓偈。成員喺網上成日吹水，終於面對面認識大家喇！一班志趣相投嘅朋友仔分享化妝護膚，仲有喺Carousell買賣嘅經驗，大家都傾得興致勃勃！
b. 群組管理員聚會
9月14號，一班群組管理員亦出嚟見面，一齊交流管理群組嘅心得。呢班管理員對Carousell平台十分有熱誠，亦認為喺Carousell建立到嘅關係超越單純買賣，而係別具人情味嘅交流！
7. 中秋嘉年華
9月22至25日，我哋喺觀塘海濱道舉行咗Carousell 旋轉拍賣 X 歐陸中秋嘉年華。活動當日，Carousell舉辦咗免費紙燈籠工作坊同埋DIY totebag 工作坊，同市民一齊歡度佳節，分享中秋喜悅，節慶氣氛十分濃厚。
見到咁多精彩活動，又有禮物又有抽獎，係咪覺得自己走咗寶呢？錯過咗唔緊要，如果對任何產品有興趣大家，大家可以上Carousell搵番攤檔檔主嘅帳號，選購心水好物。當然，我哋好期待下次活動見到大家啦！