家居清潔服務指南 (含常見問題同最新報價)

0
2677

疫情之下,定期徹底清潔家居真係好重要!打掃屋企聽落簡單,但只要你認真清潔全屋一次,就會發現絕對唔係易事。平日放工返到屋企已經夠攰,唔想再做餐懵?搵專業家居清潔公司就可以解決你嘅煩惱。

無論你想搵兼職家務助理,定係需要大掃除、裝修後或者吉屋清潔,Carousell都幫到你。跟實呢個指南,就可以搵到價錢合理又可靠嘅家居清潔服務,輕鬆打造舒適生活環境!

 

1. 點解需要聘請專業清潔服務?

節省時間:好多專業家居清潔用品都係用幾次,除咗唔駛浪費自己時間清潔家居,你仲慳埋購買所需用品同埋事後消毒用具嘅時間。留返更多時間,放假就可以做自己鍾意嘅事!

深層清潔:如果你間屋啱啱做完裝修,或者已經好耐無徹底打掃,角落可能藏有好多灰塵同碎屑。清潔人員會用專業清潔劑幫你打掃平日難以清潔嘅地方,防止敏感症發作。

信心保證:唔好諗住叫朋友、家人嘅家傭姐姐過來幫你打掃,咁樣做係犯法㗎!聘請擁有多年家庭清潔經驗嘅公司為你全面清潔家居,可靠又安心。

履行作為好業主既責任:如果你係業主準備將單位出租,打掃得乾淨企理會令單位望落更加吸引,租客入伙前業主亦有義務為佢徹底打掃成間屋。

 

2. 幾耐需要進行一次家居清潔服務?

呢層好視乎個人清潔習慣,有人每星期一次,有人每兩個禮拜或者每月大清潔一次。金錢預算亦係其中一個考慮,下文會列出唔同服務嘅參考價錢。如果你唔係有特別要求,建議可以一個月至少聘請一次性清潔服務,滿足基本清潔需求。

 

3. 收費注意事項及所需時間

家居清潔費用一般係每小時$100至$250不等,服務價錢會受單位面積大小影響,因為大屋需要更多時間清潔,甚至要聘請多一位清潔助理。另外,如果開始服務嘅時間較早或較夜,或單位屬於偏遠地區,收費會較貴。如果想慳錢可以選用定期服務,咁會比一次性服務更便宜!

普通家居清潔服務所需價錢及時間:

家居面積大小 所需時間 參考價格(一次性服務)
400呎以下 3 小時 $350
400 至 700 呎 3 ~ 4小時 $400
700 至 1000 呎 4 ~ 5小時 $500
1000 呎以上 5 小時以上 $600

 

特別注意以下物品係需要收取附加費用!

清洗物品 參考價錢
地毯(普通材質) 每平方呎 $40
單人 / 雙人床褥 $700 / $850
3 座梳化 $900
(以500呎兩房單位為例) $950
冷氣機 $1000
窗簾(以100平方呎為例) $1200

 

4. 基本家居清潔服務內容

除咗普通家居清潔或大掃除,清潔公司亦提供不少附加服務,你可以根據自己嘅需要,選擇唔同類型清潔服務。基本清潔服務至少需要4小時,而其他清潔服務通常需要成日,你可以同小朋友出去玩、約朋友行街食飯,或者做任何你想做嘅事。

清潔服務類型 服務重點 
基本清潔 全屋吸塵拖地、牆身掃塵、清潔家具及燈具、廚房及廚房基本清潔、整理所有房間
深層清潔 上述基本清潔、去除廚房和用餐區的除油污、抽氣扇清洗、擦拭櫃頂及內外壁、清潔天花燈糟
裝修後清潔 清除所有裝修後雜物和污垢,包括去除油漆石屎、徹底清潔地板、擦拭所有牆壁、清潔廚櫃及灶具、洗手盆及水龍頭
入伙前 / 吉屋清潔 清除所有污漬、蜘蛛網及污垢、地板乾淨徹底、家具除塵、浴室和廚房消毒、廚櫃擦拭及拋光、門窗擦拭

 

5. 推薦清潔服務

呢幾位用户喺 Carousell 平台擁有高評價,信心之選,即刻開 APP向佢地直接查詢!

清潔公司 服務概要
@toby_hk 家居清潔、除甲醛及塵蟎、滅蟲滅鼠、除霉及防霉等
@jackdengineering 家居消毒、裝修後或入伙前清潔、除甲醛、清洗冷氣、地毯清潔及消毒等
@danny_yau 家居清潔、滅蟲及除塵蟎、清洗冷氣、家電維修等

 

6. 最後貼士:保持家居長期整潔

唔想清潔完一排屋企又變返亂七八糟?堅持每日做好最低限度嘅家居清潔,例如掃地、將垃圾扔進垃圾筒、簡單擦拭灶頭等等,咁樣對保持房屋長期清潔大有幫助!屋企每位成員都應該參與其中,每人分擔一項家務。另外,屋企累積越多雜物,藏污就會越多。所以每兩個星期清理一次家居,用Carousell刊登唔需要嘅產品,仲可以通過執屋賺錢添!

 

聘請專業清潔服務可以幫你節省時間同精力,即上 Carousell 搜尋家庭清潔服務!

LEAVE A REPLY

Please enter your comment!
Please enter your name here