搬屋無煩惱! 聘用搬運服務小貼士

0
3840

新居入伙固然係喜事,但搬屋真係非常麻煩,有好多事情要兼顧!為咗令你更加輕鬆,呢篇文章將會分享搬屋須知,同埋點樣揀選合適嘅搬運服務。最尾仲會推介幾間信譽良好嘅搬運公司,記得睇埋落去啦!

搬屋前準備功夫:

1. 準備好包裝材料

除咗預備最基本嘅紙箱封箱膠紙紅白藍膠袋等,你仲需要準備泡泡紙發泡膠,用來包裝易碎嘅傢品。直接向搬運公司購買包裝會較貴,你可以嘗試去附近嘅便利店、果欄、電器舖收集紙箱。另外,你亦可以用 Carousell 以超低價搵到包裝材料,有用戶甚至會免費贈送!完成包裝後,列出一張物品清單記低每個紙箱嘅物品。你可以畫上記號或用顏色分類,方便辨認。

2.收拾過夜必需品

準備一個行李箱,收拾好你過夜必需用到嘅物品,例如衣服、內衣褲、旅行裝沐浴用品、叉電器等。搬完屋到達新居後,你就可以直接從行李箱拎出當晚需要用到嘅用品,唔駛逐個紙箱拆開搵。有咗呢個行李箱,你就可以勞碌一日後盡快好好休息。

3. 將寵物暫時交比家人或朋友或保姆

為咗避免寵物四圍走動或者沾上灰塵和污垢,你可以將寵物交給朋友或家人照顧。如果你唔想麻煩屋企人同朋友,可以選擇專業嘅寵物保姆或寄宿服務。等到新居一切都安頓好,先將寵物帶返屋企。

4. 安排打掃房間

搬入新屋前,一定要進行徹底清潔,方便到達後可以直接開包裝箱同存放物品。尤其係啱啱裝修完嘅新屋,記得要做深度清潔及除甲醛服務,咁先可以放心又舒適地享受新居。至於舊單位,唔好忘記要安排清潔人員幫忙打掃。如果你對家庭清潔服務一無所知,可以去睇我哋嘅清潔服務指南了解更多。

揀選搬運服務Tips

1. 特別搬運項目

如果你要搬運易碎或貴重嘅傢俬,例如鋼琴及魚缸,記得預先諮詢及通知搬運公司。因為呢類家具較難搬運,往往需要特殊嘅設備同包裝,所以會有額外收費。至於體積較細嘅貴重物品,最好可以由自己親自運送。雖然大多數搬家公司會提供保險,但如果您嘅貴重物品不幸受損,賠償金額未必足以彌補損失。

2. 家具尺寸及數量

整理舊屋雜物時,你可以幻想每件家具係咪適合新居,將會擺放係邊個位置等。呢個思考過程可以幫你整理出真正需要嘅物品,節省運輸成本,唔要嘅舊家品可以捐贈出去,甚至用 Carousell 賣出賺錢!另外,記得量度家具尺寸,確保大型家品入到電梯。如果要搬上樓梯,搬運公司可能會加收額外費用。

3. 查詢搬屋時間

唔少屋苑規定搬運工人只可以特定時間工作,而且搬運時大堂必須舖上地墊,防止刮花地板。因此,記得確保搬運公司已經通知你住所嘅物業管理處,並且獲得批准,令當日搬屋過程更順利流暢。

4. 預早編排你嘅搬屋行程

搬屋當日會涉及大量舊家具、新家具同其他物品,情況可能非常混亂。所以,記得預先搵定朋友同屋企人幫手!你亦需要預早計劃搬運家具嘅流程及次序,安排邊位家人駐守新屋等,預先為大日子做好準備。

搬運服務參考價錢

搬運服務大概費用市面上有唔同搬運公司,收費差異較大,受到多種因素影響價錢,例如搬運物件、所需人力、搬運次數、單位位置、大型或易碎家具、包裝、臨時存儲、搬屋日期和時間等。一般而言,你可以按住宅尺寸大小粗略估計你嘅搬屋費用。

單位尺寸 估計價格
400 呎以下 HKD 3,000 至 4,000
400 呎至600呎 HKD 4,000 至 6,000
700 呎至 1,000 呎 HKD 5,000 至 8,000
1,000 呎至 1,500 呎 HKD 8,000 至 12,000
1,500 呎以上 HKD 15,000 至 20,000

如果想獲得更準確嘅報價,查詢價錢時向搬運公司提供越多資訊越好,例如易碎物品嘅數量、是否需要拆卸嘅大型家具,因為咁可能會產生額外服務費用!協商好之後,記得以書面列明最終報價包含嘅服務,避免搬屋當日出現任何唔愉快嘅意外。

推薦搬運公司

你可以用 Carousell 搵到又專業又平嘅搬運服務。以下呢三間搬運公司嘅用户評價極高,而且擁有豐富經驗,搬運任何類型傢俬都無難度!即刻開 APP 㩒 “chat” 就可以直接同搬運公司溝通。

Carousell 用户名稱 搬運公司
@zhen197618618614 友力專業搬屋
@nsdelivery NS Delivery
@pianomovingking 搬琴王

最後,希望呢篇指南對你搬屋大計有幫助,可以搵到最適合你需要同預算嘅服務。祝你搬屋一切順利!

LEAVE A REPLY

Please enter your comment!
Please enter your name here