睇完我哋介紹荃灣地鐵站同荃景圍之後，係咪對荃灣嘅認識多左好多呢？其實荃灣區又點止咁少荀盤呢！上一次就同大家分析過荃灣站同埋荃景圍附近嘅熱門樓盤，今次就同大家睇吓近期發展非常受歡迎嘅荃灣西站附近嘅樓盤，以及好受一眾租戶及年輕人歡迎嘅楊屋道三寶啦！
今次嘅分析主要分為四個區域：
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
荃灣西
隨着海之戀同埋荃灣Don Don DONKI嘅開幕，荃灣西站嘅樓盤逐漸落成，周邊嘅樓盤各具特色，配套亦都越嚟越完善，成為左唔少投資者同埋自住客嘅心水地段。
海之戀 Ocean Pride
海之戀住宅分為兩期，會所佔地五萬平方呎，屋苑主打兩房及三房單位，大部份單位擁有開揚海景，面向藍巴勒海峽及汀九橋，並設有露台。屋苑位於荃灣海濱長廊附近，熱愛運動人士仲可以係海濱旁邊跑步！而且位於荃灣西站上該物業，位置優越，配套亦都非常齊全。
當中荃灣海之戀商場就最為人熟悉啦，荃灣Donki就係位於海之戀商場裡面，絕對係集美食同購物於一身嘅新廣場！海之戀附近仲有荃新天地、荃灣廣場等，消遣娛樂任君選擇。附近仲有楊屋道街市，配套可以話十分之齊全。旁邊有荃灣公園，社區設備齊全。項目升值潛力大，自住投資都係一個好選擇！
地址：荃灣大河道100號
麗城花園 Belvedere Garden
麗城花園位於青山公路荃灣段，距離港鐵荃灣站大約幾分鐘車程，環境同實用率比起荃灣市中心更勝一籌，環境比較清幽，適合喜歡寧靜環境嘅住戶。屋苑間隔方面，多數單位都有三房，以套房間隔為主。
麗城花園每一期都設有唔同嘅小商戶，包括食肆、購物熱點及生活百貨等，例如係麗城薈，有如一個小社區。三期嘅基座更設有街市，方便居民買餸。如果要出入荃灣站或荃灣西站附近地點，住客都可以選擇以巴士或小巴等交通工具往來，班次都算頻密。所以無論係想上車，定係一家大細，麗城花園都可以滿足到你嘅要求！
地址：荃灣青山公路-荃灣段620號
環宇海灣 City Point
環宇海灣係荃灣西樓齡較新嘅大型私人屋苑，有接近一半嘅開則為三房單位，部份單位享有海景景觀。屋苑嘅獨立會所「Club We」佔地60,000尺，仲有超過20項設施配套，絕對係一個豪華嘅會所。
配套方面，屋苑鄰近荃灣公園，裏面有兒童遊樂場及寵物公園，而且鄰近港鐵荃灣西站，由屋苑步行至荃灣西站都只係需要8分鐘。屋苑生活配套完善，當中包括海之戀商場。除咗荃灣西站附近，環宇海灣周邊亦都有多個大型商場，包括荃新天地、荃灣廣場，設有多個購物熱點及娛樂設施，絕對能夠滿足購物嘅樂趣。
地址：荃灣永順街48號
映日灣 The Aurora
映日灣係商住兩用嘅屋苑，住宅部份分為三座。屋苑間隔由開放式至到五房單位都有，適合唔同家庭結構嘅人士居住。而大部份單位亦都配置露台及窗台。屋苑會所方面，映日灣嘅會所超過21,000尺，同埋空中花園及綠化地帶供住戶享用。
映日灣附近嘅交通選擇多，步行10分鐘就可以到達屯馬綫荃灣西站或者港鐵荃灣站。另外，鄰近嘅如心廣場亦都設有巴士總站，通往港九新界各區。附近亦都有小巴總站，交通選擇真係唔少㗎！除咗路面交通之外，映日灣亦都鄰近荃灣公園附近嘅渡輪碼頭，有往來珀麗灣嘅航線。配套方面，經荃灣區嘅行人天橋網絡，可以連接多個大型商場，例如係海之戀商場、如心廣場等。購物方面可以話係應有盡有啊！
地址：荃灣楊屋道88號
全．城滙 Parc City
全·城滙喺荃灣西站附近地標樓盤之一，我賣點係坐落喺荃灣西站，有半數嘅單位望海景，居住景觀開揚。屋苑提供一至三房間隔，超過一半係兩房單位，所以無論係自住，定係想投資，對唔少中產人士來講都非常之吸引。
除咗荃灣西站之外，全程會嚟荃灣站亦都唔算好遠，以附近嘅巴士總站亦都有大量嘅巴士路線來往港九新界。購物配套方面，屋苑設有三層高嘅商場，住戶一落樓就可以購物！全·城滙亦都有天橋接駁如心商場，落雨都唔怕出街。屋苑附近亦都有大型嘅購物商場例如喺荃新天地、荃灣廣場等，無論係餐飲美食，定係娛樂消遣，都有好多選擇。
地址：荃灣大河道98號
楊屋道三寶
荃灣近楊屋道有三組服務式住宅，項目主攻細單位，供樓負擔相對較輕，成為左唔少輕人嘅上車心水盤，所以被稱為「楊屋道三寶」。唔好以為楊屋道好遠呀，呢三幢服務式住宅到包括喺荃灣嘅行人天橋網絡裏面。而數到最新開通嘅行人天橋，一定係映日灣及商場PLAZA 88。一邊接駁鄰近商場荃新天地，另一邊則接駁至爵悅庭的行人天橋。絕對係十分方便！
爵悅庭 Chelsea Court
位於楊屋道附近嘅爵悅庭，前身係太古汽水廠，依家就成為新進嘅服務式住宅。爵悅庭主公細單位，大部份為兩房開燈，部份高樓層嘅單位可以望到海景。屋苑會所佔地超過20,000尺，其中包括四季恆溫泳池、健身室等。
交通方面，屋苑步行至荃灣西鐵站大約需要10分鐘，沿途會經過楊屋道街市，同埋唔同嘅美食小店。喺西鐵站附近仲有唔同嘅大型商場網絡，包括荃新天地、荃灣廣場等。
地址：荃灣楊屋道100號
立坊 H Cube
位於荃灣，主打細單位嘅立坊，屬於單幢服務式住宅，間隔四四方方，涵蓋開放式至兩房單位，另外設有極高層相連同複式開則，戶型多元化。配套方面，立坊設有24小時住客會所，設施包括游泳池、健身室、紅酒廊等。住客由屋苑去到荃灣市中心都只係需要5至8分鐘嘅步程，沿路仲有好多唔同嘅美食小店。如果唔想行嘅話都可以選擇乘搭附近嘅巴士線前往港鐵荃灣站，又或者步行5分鐘去到荃灣西站，交通配套可以話係冇得輸呀！
除咗附近地舖之外，鄰近嘅樂悠居購物商場都有食肆及超級市場等商店，方便市民嘅日常生活及起居飲食。立坊嘅住客亦都可以步行去到荃新天地、荃灣廣場等等嘅大型商場，無論係購物，定係消遣娛樂都可以提供。附近亦都有楊屋道街市，買餸就至方便喇！
地址：荃灣楊屋道118號
樂悠居 Indihome
05年落成的樂悠居，主攻細單位，供樓負擔較輕，較容易上車，超過半數都係500至600呎嘅大一房單位，其餘就係兩房同三房連套房嘅間隔，切合唔同客源需要。此外，樂悠居最獨特嘅地方，就係大部分單位嘅樓底都高超過10呎，令室內嘅空間感十分充足，完全唔覺得焗促啊！
樂悠居商場設有便利店、餐廳、超市等商舖，或者可以步行十分鐘，到達荃灣廣場、荃新天地等位於荃灣西嘅大型購物中心。交通方面，樂悠居對出楊屋道，有多條巴士線及專線小巴站，接駁到荃灣地鐵站、青衣、沙田等地方。
地址：荃灣楊屋道138號