荃灣被譽為「天空之城」，皆因天橋網絡完善，連接荃灣地鐵站及區內多個商場和屋苑，包括愉景新城、如心廣場、海之戀等商場。等我哋為你逐一介紹荃灣區內配套及熱門購物地點啦！雖然荃灣站並不是接駁屯馬綫荃灣西站的車站，但是兩站之間有專線小巴95K連接（以八達通可免費轉乘西鐵線），而步行全程大概需要15至20分鐘。
近荃灣地鐵站（荃灣線）
- 荃灣南豐中心
（圖片來源：新之城官網）
南豐中心喺荃灣區內嘅老牌平民商場，因為交通位置便利，連接港鐵荃灣站A1出口，基本上係唔少荃灣人每日嘅必經之路，所以人流非常暢旺。中心裏面有各類唔同嘅小店，近年商場仲開咗唔少日韓潮流精品店舖。除此之外，南豐中心仲係一座商業大廈，除了補習社同診所外，仲隱藏咗好多性價比極高嘅舖頭，例如係烘焙店同寵物用品店。其中好出名嘅荃灣新之城都係喺南豐中心裡面。有超過100間店舖同埋食肆，仲有遊戲機中心、美容商舖及區內最大扭蛋區添！不妨搵一日去南豐中心行吓街，用心行嘅話絕對可以帶俾你驚喜呀！
地址：新界荃灣青山公路
2. 荃灣千色匯
（圖片來源：荃灣千色匯官網）
荃灣千色匯坐落於眾安街及荃灣街市街，千色匯I及II以天橋相連。叫得「千色匯」，商場最大嘅商戶就梗係百貨公司千色 Citistore啦！相信千色店對好多香港人來講都唔算陌生，除咗家品之外，仲有唔同嘅時尚服飾、超市食物、文儀玩具等。而其他商戶大部分走中檔路線，當中都有唔少品牌集合係千色，例如係化妝品及護膚品等。位於 Citistore嘅KidS’quare (兒童天地)仲有專為兒童及嬰幼兒而設嘅商店。無論你係區內上班一族，定係年輕家庭，荃灣千色匯都係你嘅購物休閒集中地！
地址：荃灣眾安街68號
3. 荃新天地
（圖片來源：荃新天地官網）
荃新天地係香港首個綠化商場，共有兩期，位於荃灣核心地段，由多條行人天橋連接荃灣站及荃灣西站，屬於區內較新嘅大型商場。荃新天地集消閒、飲食、購物及娛樂於一身。商場內嘅零售品牌就以潮流服飾同運動類別為主，例如係Uniqlo、馬拉松同Catalog，娛樂方面仲有英皇戲院添！睇戲又得， shopping都得，絕對吸引唔少年輕人喺假日嚟到荃新天地消遣！
地址：荃灣楊屋道1號及18號
近荃灣西站（屯馬綫）
- 荃灣廣場
（圖片來源：荃灣廣場官網）
荃灣廣場係荃灣區內首個擁有大型中庭的商場，鄰近荃灣大會堂，絕對係荃灣嘅著名地標。荃灣廣場鄰近荃灣西站，集消閒、購物及飲食於一身，包括各類型多元化嘅商店及消閒娛樂設施，例如係GU、一田百貨、FANCL等商店，無論係生活用品，定係流行時尚，總之咩都可以買到。好適合一家大細去血拼架！
地址：荃灣區大壩街4-30號
2. 如心廣場
（圖片來源：如心廣場官網）
如心廣場位於荃灣西核心地段，廣場內設有各式商舖同食肆，集購物消閒於一身。包括鐘錶珠寶街、手信街，仲有最啱運動愛好者嘅運動服飾專區。如心廣場連同荃灣西如心酒店打造旅遊名勝如心園木化石公園，為大家提供一站式優質餐飲、購物、消閒、娛樂嘅新選擇。
二期商場焦點集中家庭及生活品味，希望打造成「食．玩」新概念，為荃灣區帶嚟一個玩樂好去處及美食廣場，令大小朋友都可以享受更優質嘅生活！
地址：新界荃灣楊屋道8號
3. 海之戀商場
（圖片來源：海之戀商場官網）
海之戀商場連接行人天橋，可連接荃灣西站公共運輸交匯處、如心廣場2及港鐵荃灣西站。海之戀商場地下店舖可連接至荃灣海濱長廊一帶，以及荃灣單車徑，店舖如韓樂、Feather & Bone及品穀等。值得留意海之戀商場地下直接連接荃灣西站的C2出口。海之戀商場最為知名必定係荃灣DON DON DONKI，店鋪內除設食堂、美食廣場外，仲有全港首間DONKI營運嘅鮮選壽司海之戀店。除日常用品店舖外，涉及兒童、親子相關的商戶亦是最多，包括超市TASTE、生活用品店屈臣氏、家品店型家梳化等，亦有大型健身中心AIR FITNESS。親子相關店舖如現代小學士、MY GYM PREMIUM、SDM爵士芭蕾舞學校等等。
地址：香港新界荃灣區大河道100號
柴灣角（近愉景新城及荃景花園一帶）
- D•PARK 愉景新城
（圖片來源：D•PARK 愉景新城官網）
D•PARK 愉景新城係香港少見以親子作定位嘅大型商場，最適合一家大細一齊過一日！除咗唔同嘅購物同飲食商店之外，愉景新城更加設有兒童專區，集合多間專為小朋友及嬰兒而設嘅娛樂設施。家長就可以開心購物，小朋友就玩得盡興，絕對係家長至愛嘅好去處！
地址：荃灣青山公路荃灣段398號
2. 南豐紗廠 The Mills
（圖片來源：南豐紗廠The Mills官網）
由南豐紗廠活化改建而成嘅「南豐紗廠The Mills」，主要由四廠、五廠和六廠組成。南豐紗廠前身係一座紡織工廠，後來經過活化，就即刻成為一眾文青至愛！紗廠嘅設計非常時尚，無論壁畫，定係玻璃走廊，都好切合年輕人嘅口味！除咗打卡之外，南豐紗仲有唔同嘅特色小店、咖啡店及主打藝術嘅商店，例如主打環保生活嘅Pimary、山系文青至愛嘅CARRYin Select Store CARRYin 選物店、 KOKO Coffee Roaster等。
地址：荃灣白田壩街45號
