「頭搖又尾擺 飄移境界 不想醒覺只想感覺被放大……」相信擁有一架愛車係好多人嘅心願。Carousell好樂意成為大家嘅叮噹，我哋嘅買賣平台就係百寶袋，你諗得出同「車」有關嘅嘢，我嘅乜Carsss都有！
可能大家會諗，Carousell喎，買衫就話姐，邊有車架，仲要乜都有？我想揸GTR有冇先？Carousell真係有！不過就係模型GTR！唔好以為我玩嘢呀，其實好多GTR模型玩具車都好受收藏家歡迎，有啲款分分鐘仲難搵過真車！各位GTR發燒友不妨買架玩具車頂住癮先啦！
Carousell旋轉拍賣產品多到你估唔到，無論你想買頭文字D京一嘅頭巾，定係馬明降魔的入面嘅同款燈箱，Carousell都係乜Cars都有！
都係唔同大家講笑喇。其實，Carousell係有真車買架！香港Carousell早已跟隨新加坡方面推出左Carousell Cars，提供一站式網上汽車買賣平台，等各位準車主可以安心方便咁買賣二手車。只要下載Carousell App，喺分類㩒入「車」，就會見到有車輛放售、車行放售同埋車輛出租。想賣車得，想租車又得，想換車都得，Carousell仲唔係大家嘅叮噹？我哋平台上面嘅車價格相宜，各位又可以根據自己嘅預算、理想型號、品牌同埋心目中嘅條件，尋覓理想愛車，話唔定會汁到寶，換到架跑車番歸？我哋知道大家一定會心大心細要慢慢比較，所以app內有儲存功能，等大家可以存低啱心水嘅款式，然後慢慢比較。無論係價錢、外型定規格都一目了然。
用Carousell買賣車嘅好處係咩？第一，我哋唔係車行，唔會收係中介費，而且Carousell App係免費下載，所以賣家基本上係零成本賣車，而且話明「拍攝、上載、賣出」，三兩下手勢幫愛車影幾相靚相，寫低簡介價錢，之後就可以坐定定喺屋企等買家聯絡試車，咁快捷方便，話咁快就可以套現一筆啦！
另一方面，作為買家嘅各位，亦都可以隨時隨地上Carousell App睇實有咩新款車，番工搭車可以睇車，食lunch時又可以睇車，連去廁所辦大事都可以睇車。而且有時有啲罕有懷舊款唔係咁易搵，Carousell平台咁大，搵到嘅機會都大啲！見到心水車款即時喺App內出價，聯絡賣家之後又可以慢慢一對一問清楚所有細節，再拿拿林夾時間試車，成個過程快到甩轆，真係keep住成日換車不是夢呀！