開車超過20年：拆解油站質素同銷售策略 – 中石油篇

August 5, 2021

星期六食完晚飯，經過觀塘道又睇到車龍，心諗：「頂！唔係掛！星期六晚9點幾都仲塞？」行前一睇，原來係中石油油站做優惠，貴油(超級)每升減$5，平油(清新)減$4.50。少數怕長計，就當入40升超級，慳返舊幾水，都夠一家三口在觀塘食個M記。

中石油喺網上世界沒咩人討論，但有番咁上下資歷嘅師兄同職業師父都鍾意入中石油。聽講中石油係新加入的經營者，但港府又冇批出新油庫用地喎，所以佢同外資嘅行家在資源採購上合作，油同添加劑的質素較有保證。

在銷售方面，中石油每次有特別優惠都先透過短訊通知入開油的現有客戶，呢樣嘢值得欣賞!同其他投放大量廣告吸納新客嘅方式唔同。本來沒打算入油嘅我，第2日經開粉嶺時(都係做緊減$4.50)都順便將油缸打爆。在粉嶺排隊入油的時候，仲見到部新款林寶入油添…。

香港普遍的駕駛者都好精明，除了CP值要高之外，仲要方便快捷。中石油另一優勢就係唔洗用指定嘅信用卡、油券或日子先有高折扣，適合香港人快靚正嘅消費模式。今日寫到呢到，下回再講多D平價入油的方式同攞VIP黑咭既方法。

車Group forward SMS短訊

粉嶺每升減$4.50，都係要排隊不過沒觀塘咁耐

大圍、大埔的油站已先後投入服務。