仲有幾日就到父親節，未安排節目？不如跟住【父親節自駕遊懶人包】玩！冇車？咪租囉！趁著父親節租車載住爸爸周圍去，答謝佢一路以嚟嘅「父」出。
即睇5條熱門路線 + 租車泊車攻略：
↓↓↓↓↓↓↓↓↓↓↓↓↓↓↓↓↓↓↓↓↓↓
🔥路線4：粉嶺取車 > 坪洋壁畫村 > 南涌鹿頸／流水響水塘／皇后山印度廟 > 大水管 > 聯和墟
📍第一站：粉嶺取車
想去啲新鮮啲嘅地方？一於有咁遠去咁遠，上北新界北！即睇位於粉嶺嘅匯盈汽車服務>>
📍第二站：坪洋壁畫村
爸爸喜歡寧靜悠閒？可以去坪洋壁畫村，色彩繽紛嘅壁畫配合手繪路牌供遊人欣賞。沿住坪原路行十分鐘到達坪洋舊村，暢遊鄉間村落。之後可前往風水林，去附近小山丘欣賞芒草，悠閒愜意！
地址：坪洲坪洋村坪原路157號華逹園
泊車：可以停泊喺坪輋路車場嘅咪錶車位，路邊位置亦有好多泊車位。
📍第三站：南涌鹿頸／流水響水塘／皇后山印度廟
鹿頸
鹿頸係一個好適合郊遊散步嘅景點，無論係樹林、石灘、濕地、碼頭定小村落，呢度通通都有！ 大部分路段都係平路，沿途邊散步邊欣賞周遭自然生態景色，唔會太攰之餘更可療癒身心。 行完之後，可以到村口嘅BB開心茶座食嘢補充能量。
地址：粉嶺沙頭角鹿頸村
泊車：可以泊喺鹿頸停車場，如果冇車位，可以泊喺新娘潭路、茶座前方或者鹿頸路上。
流水響水塘
流水響水塘三面環山，可以喺度欣賞到水塘嘅如天空之鏡般嘅湖畔倒影，再行入啲就去到流水橋，聽住潺潺流水聲，chill啊！
地址：香港流水響道
泊車：流水響水塘並冇任何泊車位，泊車嘅話要去到鶴藪水塘停車埸，再行二十分鐘抵達流水響水塘。
皇后山印度廟
沿住流水響布格仔公廁後方嘅小路一直走，沿住鐵絲網嘅外圍走，就會到達歷史悠久嘅皇后山印度廟。 印度廟被歸類為三級歷史建築，擁有十分特別嘅建築風格，暗綠色嘅外牆亦散發住一種莊嚴感及荒廢感，值得一去！
地址：粉嶺皇后山
泊車：布格仔公廁對出設有停車場可以泊車。
📍第三站：大水管＋羅太豆花
位於雙魚河旁嘅大水管除咗負責運送東江水到港，同時亦係一個郊遊景點。 好多人會走到大水管上面，配合旁邊嘅港鐵列車同路軌影相，拍出日系電影嘅氛圍。 嚟到大水管，仲可以順便欣賞埋五至十月盛放嘅鳳眼藍添！
遊覽完大水管，可以揸車去附近嘅「羅太豆花」（又稱鴻淘士多）品嚐招牌豆腐花同豆漿，豆味重，夠香夠滑！
大水管地址：梧桐河及雙魚河交界
羅太豆花地址：上水河上鄉快景路
📍第四站：聯和墟晚餐
粉嶺聯和墟有好多美食選擇，泰國菜、越南菜、日本菜、西餐定還是係港式經典晚餐都有，梗有一款啱爸爸口味！
地址：新界粉嶺聯和墟
泊車：聯和墟有多個大型停車場，包括聯和墟街市停車場以及聯和墟聯富街露天停車場等等。
