仲有幾日就到父親節，未安排節目？不如跟住【父親節自駕遊懶人包】玩！冇車？咪租囉！趁著父親節租車載住爸爸周圍去，答謝佢一路以嚟嘅「父」出。
即睇5條熱門路線 + 租車泊車攻略：
↓↓↓↓↓↓↓↓↓↓↓↓↓↓↓↓↓↓↓↓↓↓
🔥路線3：馬鞍山取車 > 烏溪沙碼頭 > 西沙茶座 > 泥涌石灘 > 西貢（橋咀島／鹽田梓）
📍第一站：馬鞍山烏溪沙取車
呢條路線由烏溪沙出發，務求喺一日內玩盡西沙路同西貢，令爸爸過個充實盡興嘅父親節！即睇馬鞍山精選租車公司飛馳超跑香港 Flying Auto HK>>
📍第二站：烏溪沙碼頭
父親節成街都係人，想帶呀爸去啲寧靜嘅地方放鬆下？可以前往烏溪沙碼頭望下山望下海，又可以落石灘海邊走走，雨後仲有機會見到馬鞍山版天空之鏡！
地址：香港舊烏溪沙碼頭
泊車：可以喺馬鞍山中心停車場泊車，又或者喺隣近嘅馬鞍山海濱長廊咪錶停車位泊亦得。
📍第三站：西沙茶座午餐
想填飽個肚？前往泥涌嘅路上會經過西沙茶座，嘆住泰菜，坐露天位望吓門口嘅椰樹。好似同呀爸去咗泰國咁，正！
地址：泥涌村西沙路10號C
泊車：店中設有大型專用停車場，可供免費泊車。
📍第四站：泥涌石灘
食完嘢，大約三分鐘嘅車程可以去到泥涌石灘，個景靚到媲美日本，平日亦吸引唔少準新人嚟影婚相。話咁快同呀爸又走咗轉日本，趁呢個機會以大海做背景同爸爸留倩影啦！不過夏天嘅泥涌比較多蚊，惹蚊嘅朋友建議帶備蚊怕水。
地址：泥涌村西沙路
泊車：西沙路有一個大型泊車錶位，落車地點行到石灘邊只需五分鐘。
📍第五站：西貢橋咀島／鹽田梓
沿西沙路直駛到西貢，假日嘅西貢碼頭會有攤檔同街頭表演。加上附近泊滿漁船，漁民叫賣海鮮，十分熱鬧！泊好車就可以開始離島之旅，從西貢碼頭乘坐街渡前往橋咀島或鹽田梓。
泊車：碼頭附近有幾十個車位，沿途亦設有數個停車場如賽馬會滘西洲高爾夫球場公眾停車場。
橋咀島（連島沙洲）
約15分鐘嘅船程去到橋咀島，有個連島沙洲，是一條由沉積物形成的天然沙石堤。漲潮時，連島沙洲會被海水浸沒，想跨過沙洲，就要留意天文台嘅潮汐資料。另有公眾泳灘橋咀泳灘，設有更衣室、淋浴設施、燒烤爐、以及小食亭作補給用。
鹽田梓
鹽田梓有不少必到景點勝地，包括玉帶橋、逾百年歷史嘅聖若琵堂以及山頂嘅雙子亭。行到肚餓亦可以揾個茶座飲杯茶，食件茶粿，係客家嘅味道呀！
📍第六站：西貢海鮮街晚餐／BBQ燒烤餐廳
想食餐好嘅為父親節劃上完美的句號，西貢碼頭旁邊嘅海鮮街有唔少出色嘅餐廳，附近亦有燒烤餐廳提供自助任食嘅燒烤食品。都係嗰句啦，最緊要呀爸食得開心，做仔女嘅埋單都開心！
海鮮餐廳地址：新界西貢街市街西貢海鮮街，部份餐廳設免費代客泊車服務。
BBQ地址：西貢大網仔路沙下村9號地下，海灣會附設停車場。
