如果大家近排有留意Carousell 群組，應該會發現我哋新增咗群組討論區。呢個新功能係為咗聯繫同一興趣同埋嗜好既用家，方便大家交流！
Carousell近年黎發展迅速，已經唔再係單單一個買賣平台咁簡單，我哋喺社交媒體睇過好多感人故事，見到好多用家喺Carousell由買賣開始，慢慢認識咗好多志趣相投既朋友，分享共同嗜好，仲擴闊咗圈子添！
兩年前我哋之所以創立Carousell，其中一個原因就係要建立個聯繫人既平台。群組功能方便大家同朋友一齊買嘢賣嘢，亦可以同班志趣相投既人交流。由功能啟動首日開始，至今己經成立咗2000個Carousell群組喇，數字仲每日增加緊添！
建立以社群為主既環境
自從群組慢慢開始發展，我哋就希望為Carousell用家建立更圓滿既用戶體驗。畢竟一個社群係好需要空間俾會員暢所欲言，互相交流，傾下大家既興趣嗜好！
而家有咗群組討論區，大家可以同其他會員交流最愛話題既最潮資訊，有咩難題仲可以問大家意見，開心share小貼士添！
想知道邊隻護膚品最好用，近排新出咗啲咩化妝品？去化妝護膚品集中地啦!
想買新game玩，順便交流打機攻略心得？加入任天堂 Switch群組啦!
新手攝影師想買部單反玩下，覺得花多眼亂唔識揀？去Nikon 相機群組問人意見啦!
只要係你有興趣既話題，用群組討論就隨時有人同你無所不談，雞啄唔斷！我哋己經喺唔同群組開設咗好多討論，嚟緊幾個禮拜就會陸續更新更多，記住密切留意喇！