[網絡紅物版] 旋轉拍賣安全交易小貼士

了解更多關於交易是否合法,使用安全嘅付款方法,確保順利交付或收款。

0
2085

 

時下有各式各樣嘅網購平台,網上購物總會遇到大大小小既陷阱。Carousell 非常重視交易平台既安全,我哋有專門支援團隊隨時隨地為大家服務,提供一個愉快嘅網購環境。各位買家唔洗擔心,只要提高警覺、運用常識,就可以放心掃貨!今次分享幾個小貼士,確保大家可以盡情享受喺Carousell買嘢嘅樂趣!

Carousell交易小貼士:

  • 認清貨品真偽,了解賣家底蘊
  • 使用安全付款方式
  • 確保運貨、取貨順暢
  • 只買本地所在貨品,只用Carousell溝通
  • 了解聯絡Carousell支援團隊方法

 

認清賣家評價是否可靠

black think about it GIF by Identity
圖片來源: GIPHY

即使你見到賣家通通好評,5分滿分有足5分,咁都唔代表佢一定信得過架!大家應該留意下,評語會唔會來自一大堆同一日建立嘅用戶?呢啲用戶會唔會全部都未經確認身份?如果真係發生以上情況,大家感到可疑,咁都係穩陣至上,另覓新歡喇!首先,㩒入去心儀貨品,然後碌落去‘Meet the Seller’
之後,你會見到賣家嘅簡介,包括佢嘅評分。㩒入去灰色方塊就會睇到詳細說明。

首先,㩒入去心儀貨品,然後碌落去‘Meet the Seller’ 之後,你會見到賣家嘅簡介,包括佢嘅評分。㩒入去Feedback就會睇到詳細說明。

買家可以睇下賣家嘅用戶簡介,裡面會有其他買家俾佢嘅評價,有助你了解佢嘅信用。

 

做足功課

flexing in the cut GIF by Bounce_TV
圖片來源: GIPHY

唔確定貨品真偽?貨品定價出奇地低?千祈唔好心急,等賣家提供正貨證明後先決定買都未遲!如果大家遇到任何可疑事件,請務必聯絡Carousell支援團隊

當大家購買活動門票或者優惠劵,更加要提高警覺,打醒十二分精神!不妨叫賣家影低背面既條款俾你睇清楚,留意下張門票或者優惠劵幾時過期、容唔容許轉售、購票者以外嘅第三者可唔可以使用,仲有其他注意事項。

如果買左番黎先發現唔符合條款,主辦單位係有權唔俾你入場/使用優惠劵架!所以記得要先搞清楚張飛用唔用得!

 

使用安全付款方式

圖片來源: GIPHY

Carousell並無限制付款方式,買賣兩方可以自由商量。作為買家,大家可選擇方便自己嘅方式。雖然網購付款方式一蘿蘿,Carousell建議各位最好都係選擇當面交收俾現金,順便檢查埋貨品,咁樣係最保障買家嘅!加上,當面交收嘅話,就唔洗俾完錢仲要心思思咁等貨品運送,可以即時收到心頭好!穩陣起見,如果大家選購咗貴重或易碎物品,我哋強烈建議買家選擇當面交收俾現金。萬一貨品寄失或者跌爛,咁就後悔都黎唔切喇!

如果大家選擇現金以外嘅付款方式,請務必使用可靠嘅方法,例如銀行轉帳或銀行電子錢包。請各位盡量避免選用MoneyGram或者Western Union呢類匯款服務,事關不法分子成日會利用呢啲渠道詐騙架!

 

確保運貨、取貨順暢

new york city dancing GIF by Originals
圖片來源: GIPHY

為左確保交易愉快順暢,如果大家選擇當面交收,又或者係去某地點取貨,切記要選擇光猛嘅公眾場所,重點係要安全兼易搵!若果你選擇郵寄或者其他快遞方式,記得揀掛號或者有追蹤號碼嘅方法!小心駛得萬年船,尤其係買貴重物品果陣!

 

只買本地所在貨品

圖片來源: GIPHY

Carousell會根據出售貨品既所在地,將佢哋列係相應地方既網站。換言之,香港買家只會見到香港賣家出售既貨品。點解我哋要咁做呢?皆因語言同貨幣既差異可能會令交易過程繁複,運費亦更貴,風險會相應增加,所以都係選購本地賣家嘅貨品穩陣啲。Carousell就絕對唔建議大家購買海外賣家既貨品喇!

 

只用Carousell溝通

text stick around GIF by Originals
圖片來源: GIPHY

如果要同賣家溝通,我哋建議大家善用Carousell聊天功能,避免用SMS或者WhatsApp等通訊工具,保障個人私隱。萬一真係發生問題需要調查,咁樣可以方便我哋團隊檢查紀錄。

 

聯絡Carousell支援團隊方法

work yes GIF by Eovi Mcd Mutuelle
圖片來源: GIPHY

如果大家懷疑自己誤墮陷阱受騙,唔洗三思猶豫,請聯絡我哋團隊!只要大家盡快向我哋反映問題,Carousell就可以拿拿林提供協助喇!

想知點聯絡Carousell客戶服務團隊?㩒入去呢條link啦!

希望以上既小貼士可以幫助大家買得開心又安心,貨品快到手,快享受!網購睇唔到實物,大家好多時都要相信自己既直覺,分析下貨品既質素對比價錢係咪合理,畢竟世上係冇咁大隻蛤乸隨街跳!如果發覺貨品或賣家有可疑,建議大家都係另覓心頭好。

快啲開心share呢篇文章俾中意網購既朋友,提醒佢哋要做個精明買家啦!

希望大家喺Carousell購物愉快啦!

SHARE
Previous article2018夏季男女裝流行趨勢
Next article減磅增磅必勝秘笈
Avatar
Avid eater of chicken nuggets who is committed to contributing to a culture that influences and motivates others.

LEAVE A REPLY

Please enter your comment!
Please enter your name here